ກອງປະຊຸມໃນຕອນເຊົ້າວັນທີ 26/3
(vovworld) – ໄລຍະຜ່ານມາ, ແນວໂຮມປະເທດຊາດ ແລະ ບັນດາອົງການສະມາຊິກໄດ້ສົມທົບກັບບັນດາອົງການແຫ່ງລັດຈັດຕັ້ງບັນດາບັ້ນຂົນຂວາຍ, ຂະບວນການແຂ່ງຂັນຮັກຊາດ, ປະກອບສ່ວນແທດຈິງເຂົ້າໃນການປະຕິບັດບັນດາຈຸດໝາຍເສດຖະກິດ ສັງຄົມຂອງປະເທດຄື: ບັ້ນຂົນຂວາຍ “ທົ່ວປວງຊົນສາມັກຄີກໍ່ສ້າງຊີວິດວັດທະນະທຳຢູ່ເຂດຊຸມຊົນ”, ບັ້ນຂົນຂວາຍ “ຊາວ ຫວຽດນາມ ບຸລິມະສິດຊົມໃຊ້ສິນຄ້າ ຫວຽດນາມ”, ເລ້ຍລາຍເງິນສະໜັບສະໜູນພໍ່ແມ່ປະຊາຊົນເຂດຖືກໄພພິບັດ, ທຳມະຊາດ, ອັກຄີໄພ ແລະ ເຫດຮ້າຍຕ່າງໆຢູ່ພາຍໃນປະເທດ. ທີ່ກອງປະຊຸມບັນດາຜູ້ແທນໄດ້ແລກປ່ຽນບົດຮຽນ ແລະ ເພີ່ມທະວີການສົມທົບເພື່ອຍົກສູງປະສິດທິຜົນບັນດາບັ້ນຂົນຂວາຍ ແລະ ຂະບວນການແຂ່ງຂັນຮັກຊາດ, ໂດຍທ່ານປະທານຄະນະກຳມະການສູນກາງ ແນວໂຮມປະເທດຊາດ ຫວຽດນາມ ຫງວຽນທ້ຽນເຍີນ ເປັນປະທານ, ຖືກຈັດຂຶ້ນໃນຕອນເຊົ້າວັນທີ 26/03 ຢູ່ຮ່າໂນ້ຍ, ບັນດາຜູ້ແທນເນັ້ນໜັກວ່າ: ເພື່ອເສີມຂະຫຍາຍໝາກຜົນຂອງການຂົນຂວາຍ, ໃນໄລຍະຈະມາເຖິງ, ຄະນະກຳມະການສູນກາງ ແນວໂຮມປະເທດຊາດ ຫວຽດນາມ ແລະ ບັນດາອົງການສະມາຊິກເຫັນດີເປັນເອກະສັນເນື້ອໃນຈຸດສຸມເພື່ອເສີມຂະຫຍາຍປະຕິບັດ, ສ້າງການຫັນປ່ຽນຢ່າງຈະແຈ້ງໃນການປະຕິບັດບັນດາຂະບວນການ, ບັນດາບັ້ນຂົນຂວາຍໃນເຂດຊຸມຊົມ, ມຸ່ງໄປເຖິງການປະຕິບັດບັນດາບັ້ນຂົນຂວາຍມີລັກສະນະທົ່ວປວງຊົນ, ທົ່ວປະເທດ, ບັນດາຂະບວນການມີລັກສະນະພິເສດສະເພາະຂອງແຕ່ລະເປົ້າໝາຍລະອຽດ.