(ພາບ:laodong.com.vn)
(vovworld) - ໃນຂອບເຂດກອງປະຊຸມໂດຍກົງຜ່ານເຄືອຂ່າຍອິນເຕີແນັດຂອງລັດຖະບານການນຳຫຼັກແຫຼ່ງຂອງ 63 ແຂວງນະຄອນຂຶ້ນກັບສູນກາງເພື່ອຜັນຂະຫຍາຍມະຕິຂອງສະພາແຫ່ງຊາດກ່ຽວກັບໜ້າທີ່ພັດທະນາເສດຖະກິດ-ສັງຄົມ ແລະ ແຜນງົບປະມານແຫ່ງລັດປີ 2013. ຕອນເຊົ້າວັນທີ 26/12, ທ່ານນາຍົກລັດຖະມົນຕີຫງວຽນເຕີນຢຸງ ພ້ອມກັບບັນດາສະມາຊິກລັດຖະບານໄດ້ຮັບຟັງ ແລະ ແລກປ່ຽນໂດຍກົງ, ກຳນົດທິດທາງແກ້ໄຂບັນດາຂໍ້ສະເໜີຂອງທ້ອງຖິ່ນຕ່າງໆກ່ຽວຂ້ອງເຖິງບັນດາມາດຕະການຊຸກຍູ້ການຜະລິດດຳເນີນທຸລະກິດ, ໜູນຊ່ວຍຕະຫຼາດ. ທ່ານນາຍົກລັດຖະມົນຕີຫງວຽນເຕີນຢຸງ ຮຽກຮ້ອງໃຫ້ບັນດາກະຊວງຂະແໜງການ, ທ້ອງຖິ່ນຕ່າງໆ ສຸມໃສ່ຊີ້ນຳຮັກສາເສດຖະກິດມະຫາພາກເປັນປົກກະຕິ, ຄວບຄຸມໄພເງິນເຟີ້, ຄວບຄຸມລາຄານັບແຕ່ຕົ້ນປີ 2013. ທ່ານຍັງຮຽກຮ້ອງໃຫ້ບັນດາກະຊວງຂະແໜງການ, ທ້ອງຖິ່ນຕ່າງໆ ຕ້ອງສຸມໃສ່ແກ້ໄຂຄວາມຫຍຸ້ງຍາກ, ແກ້ໄຂໜີ້ເສຍ, ສິນຄ້າຄ້າງສາງ, ສ້າງເງື່ອນໄຂສະດວກເພື່ອດຶງດູດເງິນລົງທຶນຕ່າງປະເທດ. ທ່ານນາຍົກລັດຖະມົນຕີຫງວຽນເຕີນຢຸງ ຊີ້ແຈງວ່າ ຕ້ອງຍູ້ແຮງວຽກງານລົບລ້າງຄວາມອຶດຫີວ ຫລຸດຜ່ອນຄວາມທຸກຍາກ ຊື່ງຈຸດສຸມແມ່ນໃນເຂດຊົນເຜົ່າສ່ວນໜ້ອຍ. ບັນດາກະຊວງຂະແໜງການ, ທ້ອງຖິ່ນຕ່າງໆ ສືບຕໍ່ຍູ້ແຮງການປະຕິຮູບດ້ານບໍລິຫານ, ປ້ອງກັນ ແລະ ຕ້ານການສໍ້ລາດບັງຫຼວງ, ສືບຕໍ່ຮັບປະກັນການປ້ອງກັນຊາດປ້ອງກັນຄວາມສະຫງົບ, ຄວາມເປັນລະບຽບຮຽບຮ້ອຍທາງສັງຄົມ…