(vovworld) - ວັນທີ 23/02, ກອງປະຊຸມໃຫຍ່ຄັ້ງທີ 15 ພັກກອມມູນິດລັດເຊຍ ຖືກໄຂຂຶ້ນຢູ່ນະຄອນຫຼວງ ມົດສະກູ ດ້ວຍການເຂົ້າຮ່ວມຂອງຜູ້ແທນກວ່າ 300 ທ່ານ ທີ່ຕາງໜ້າໃຫ້ສະມາຊິກພັກກອມມູນິດສະຫະພັນລັດເຊຍກວ່າ 158.000 ຄົນ.
ໃນຈົດໝາຍອວຍພອນກອງປະຊຸມໃຫຍ່, ທ່ານປະທານາທິບໍດີລັດເຊຍ Vladimir Putin ໄດ້ສະແດງຄວາມເຊື່ອໝັ້ນວ່າ ພັກກອມມູນິດສະຫະພັນລັດເຊຍ ຈະນັບນື້ນັບພັດທະນາ ປະກອບສ່ວນສຳຄັນເຂົ້າໃນພາລະກິດສ້າງສາ ແລະ ພັດທະນາປະເທດຊາດ. ທ່ານປະທານພັກກອມມູນິດສະຫະພັນລັດເຊຍ Ghenadi Ziuganop ໄດ້ອ່ານບົດລາຍງານການເມືອງ, ຫວນຄືນໄລຍະການເຄື່ອນໄຫວຂອງພັກກອມມູນິດສະຫະພັນລັດເຊຍ ແລະ ຄະນະບໍລິຫານງານອາຍຸການ 14 ຜ່ານມາ ແລະ ທິດທາງໃນໄລຍະຈະມາເຖິງ, ໃນນັ້ນເນັ້ນໜັກວ່າ ໃນສະພາບແວດລ້ອມລວມຂອງໂລກໃນປະຈຸບັນ ພັກກອມມູນິດສະຫະພັນລັດເຊຍ ຈະວາງອອກບັນດາໜ້າທີ່ຢ່າງລະອຽດເພື່ອປັບປຸ່ງ, ພັດທະນາຖັນແຖວ, ເຂົ້າຮ່ວມຊີວິດດ້ານການເມືອງ, ເສດຖະກິດ ແລະ ສັງຄົມຂອງປະເທດຊາດຢ່າງແຮງ. ທ່ານປະທານ Ziuganov ຢືນຢັນວ່າ.
“ໃນໄລຍະ 20 ປີຜ່ານມາ, ພັກກອມມູນິດສະຫະພັນລັດເຊຍ ໄດ້ຟື້ນຟູ ແລະ ນັບມື້ນັບໝັ້ນຄົງເຂັ້ມແຂງ, ສືບຕໍ່ຮັບປະກັນສິດຜົນປະໂຫຍດຂອງກຳມະກອນ, ຊາວກະສິກອນ ແລະ ປັນຍາຊົນທຸກຊັ້ນ, ຮັກສາ ແລະ ກໍ່ສ້າງລັດທິສັງຄົມນິຍົມ, ສ້າງສາປະເທດຊາດໃຫ້ນັບມື້ນັບເຕີບໃຫຍ່ເຂັ້ມແຂງ. ມື້ນີ້, ພວກເຮົາສາມາດມີຄວາມເອກອ້າງຖະນົງໃຈເມື່ອຫວນຄືນບັນດາຜົນງານອັນລະອຽດນັ້ນ. ພວກເຮົາເຊື່ອໝັ້ນ ແລະ ຕັດສິນໃຈຈະສືບຕໍ່ເດ່ີນຕາມເສັ້ນທາງທີ່ພວກເຮົາໄດ້ເລືອກເຟັ້ນນັ້ນແມ່ນ ເສັ້ນທາງກ້າວໄປສູ່ລັດທິສັງຄົມນີຍົມດ້ວຍແນວຄິດຂອງ ເລນີນ”.