ໄຂກອງປະຊຸມໃຫຍ່ອົງຄະນະພັກແຂວງບັກຢາງ ຄັ້ງທີ 18
(vovworld) - ຕອນເຊົ້າວັນທີ 1/10, ກອງປະຊຸມໃຫຍ່ອົງຄະນະພັກແຂວງບັກຢາງ ຄັ້ງທີ 18, ອາຍຸການ 2015-2020 ໄດ້ໄຂຂຶ້ນຢ່າງເປັນທາງການ. ກ່າວຄວາມເຫັນທີ່ກອງປະຊຸມໃຫຍ່, ທ່ານ ໂຕຮູຍເຣື໋ອ, ຫົວໜ້າຄະນະຈັດຕັ້ງສູນກາງພັກ, ເນັ້ນໜັກວ່າ, ອາຍຸການຈະມາເຖິງ, ອົງຄະນະພັກແຂວງບັກຢາງ ຄວນສຸມໃສ່ປະຕິບັດຍຸດທະສາດ, ສ້າງໂຄງປະກອບຂະແໜງການ, ຂົງເຂດຄືນໃໝ່, ຍົກສູງກຳລັງແກ່ງແຍ້ງ, ຖືເປັນສຳຄັນການພັດທະນາການຮ່ວມສຳພັນລະຫວ່າງເຂດ, ຍາດແຍ່ງທ່າສະດວກຂອງແຂວງເພື່ອພັດທະນາ, ເອົາໃຈໃສ່່ເປັນພິເສດເຖິງການລົງທຶນເຂົ້າຂົງເຂດກະສິກຳ, ຊົນນະບົດ:
“ຄວນສຸມໃສ່ລົງທຶນເຂົ້າຂົງເຂດກະສິກຳ, ຊົນນະບົດ, ການຜະລິດປຸງແຕ່ງ, ການຈຳໜ່າຍຜະລິດຕະພັນກະເສດ - ເຄື່ອງປ່າຂອງດົງ, ສ້າງການຮ່ວມສຳພັນຢ່າງແໜ້ນແຟ້ນຈາກການຜະລິດເຖິງການຈຳໜ່າຍ, ຮັບປະກັນພັດທະນາກະສິກຳຢ່າງໝັ້ນຄົງ, ຍູ້ແຮງການຜະລິດກະສິກຳເປັນສິນຄ້າ, ເພີ່ມທະວີການນຳໃຊ້ຄວາມກ້າວໜ້າດ້ານເຕັກນິກເພື່ອຍົກສູງສະມັດຕະພາບ, ຄຸນນະພາບ“.
ໃນວັນດຽວກັນ, ອົງຄະນະພັກແຂວງກອນຕຸມ ກໍ່ໄຂກອງປະຊຸມໃຫຍ່ຄັ້ງທີ 15, ອາຍຸການ 2015-2020. ກ່າວຄວາມເຫັນຊີ້ນຳກອງປະຊຸມໃຫຍ່, ທ່ານນາງຮອງປະທານສະພາແຫ່ງຊາດ ຫງວຽນທິກິມເງິນ, ເນັ້ນໜັກວ່າ:
“ແຂວງກອນຕຸມຄວນເຮັດວຽກງານວາງແຜນ ແລະ ຄຸ້ມຄອງແຜນກຳນົດເປັນຢ່າງດີ, ພິເສດແມ່ນແຜນກຳນົດນຳໃຊ້ທີ່ດິນ, ປ່າ, ຊັບພະຍາກອນໂລຫະ, ຊົນລະປະທານ; ພັດທະນາຜະລິດຕະພັນກະເສດ, ເຄື່ອງປ່າຂອງດົງ, ສິນໃນນຳ້ຕາມທິດຜະລິດເປັນສິນຄ້າ… ດຶງດູດການລົງທຶນເຂົ້າບັນດາເຂດ, ກຸ່ມອຸດສາຫະກຳຕາມແຜນກຳນົດ; ພັດທະນາອຸດສາຫະກຳຜະລິດຳປຸງແຕ່ງ, ອຸດສາຫະກຳ, ຂຸດຄົ້ນໂລຫະ. ລະດົມທຸກແຫຼ່ງກຳລັງເພື່ອສຸມໃສ່ລົງທຶນເຂົ້າພື້ນຖານໂຄງລ່າງເສດຖະກິດ - ສັງຄົມ“.
ລະດັບເຕີບໂຕເສດຖະກິດສະເລ່ຍຂອງແຂວງກອນຕຸມໃນແຕ່ລະປີບັນລຸເກືອບ 14%, ຍອດຜະລິດຕະພັນພາຍໃນເພີ່ມຂຶ້ນທົບ 2 ເທົ່າເມື່ອທຽບໃສ່ 5 ປີກ່ອນ, ລາຍຮັບສະເລ່ຍໃສ່ຫົວຄົນບັນລຸປະມານ 1.555 USD, ເພີ່ມຂຶ້ນ 15% ຂອງແຜນການ.