ທ່ານ ເລຮົ່ງແອງ ຍ້ອງຍໍ 11 ໝູ່ຄະນະ ແລະ 300 ຄົນທີ່ໄດ້ຮັບການຍ້ອງຍໍ
(ພາບ: HM)
(vovworld) – ວັນທີ 4/9, ບຸກຄົນທີ່ເປັນແບບຢ່າງທີ່ດີເດັ່ນທົ່ວປະເທດ 300 ຄົນທີ່ຕາງໜ້າໃຫ້ສະມາຊິກຊາວກະກອນທົ່ວປະເທດ 10 ລ້ານກວ່າຄົນ. ເຂົ້າຮ່ວມກອງປະຊຸມໃຫຍ່ແຂ່ງຂັນຮັກຊາດ ແລະ ຍ້ອງຍໍສັນລະເສີນຊາວກະສິກອນເປັນແບບຢ່າງທີ່ດີເດັ່ນທົ່ວປະເທດ ຄັ້ງທີ 4 ໄລຍະ 2010 – 2015. ນີ້ແມ່ນໂອກາດສະຫລຸບຂະບວນການແຂ່ງຂັນຮັກຊາດຂອງສະມາຄົມຊາວກະສິກອນໃນ 5 ປີແຜ່ນມາ, ວາງອອກທິດທາງ, ຄາດໝາຍ, ໜ້າທີ່ ຂະບວນການແຂ່ງຂັນ ແລະ ວຽກງານຍ້ອງຍໍໃນ 5 ປີຕໍ່ມາ.
ກ່າວຄຳເຫັນທີ່ກອງປະຊຸມໃຫຍ່, ທ່ານ ເລຮົ່ງແອງ, ກຳມະການກົມການເມືອງ, ຜູ້ປະຈຳການຄະນະເລຂາ ຮັບຮູ້ ແລະ ຕີລາຄາສູງໝາກຜົນຂອງຂະບວນການແຂ່ງຂັນຮັກຊາດຂອງສະມາຄົມຊາວກະສິກອນ ຫວຽດນາມ ແລະ ຊົນຊັ້ນຊາວກະສິກອນຫວຽດນາມ ໃນ 5 ປີຜ່ານມາ ແລະ ຍ້ອງຍໍ 11 ໝູ່ຄະນະ ແລະ 300 ຄົນທີ່ໄດ້ຮັບການຍ້ອງຍໍ. ທ່ານ ເລຮົ່ງແອງ ສະເໜີສະມາຄົມຊາວກະສິກອນທຸກຂັ້ນ ຕ້ອງສືບຕໍ່ສົ່ງເສີມ, ລະດົມກຳລັງໃຈສະມາຊິກຊາວກະສິກອນເສີມຂະຫຍາຍມູນເຊື້ອສາມັກຄີ, ຮັກແພງຊ່ວຍເຫຼືອເຊິ່ງກັນ ແລະ ກັນ, ຊ່ວຍເຫຼືອຄອບຄົວທຸກຍາກບືນຕົວຂຶ້ນເພື່ອຫລຸດພົ້ນອອກຈາກຄວາມທຸກຍາກ ດ້ວຍຫຼາຍຮູບການ, ປະກອບສ່ວນກໍ່ສ້າງຊົນນະບົດໃໝ່ໃນໄລຍະຫັນປະເທດຊາດເປັນປະເທດອຸດສາຫະກຳ ແລະ ທັນສະໄໝ.