(vovworld) - ວັນທີ 5/4, ຢູ່ຫໍບູຊາວົງຕະກຸນ Dang ໃນບ້ານ ດົ່ງໂຮ້, ຕາແສງ ອານຫວິງ, ເມືອງເກາະ ຫຼີເຊີນ, ແຂວງ ກວາງຫງາຍ, ຄະນະກຳມະການຊາຍແດນແຫ່ງຊາດ - ກະຊວງການຕ່າງປະເທດ ສົມທົບກັບພະແນກວັດທະນະທຳກິລາ ແລະ ທ່ອງທ່ຽວແຂວງ ກວາງຫງາຍ ໄດ້ມອບໃບຍ້ອງຍໍວົງຕະກຸນ Dang ຢູ່ເມືອງເກາະ ຫຼີເຊີນ ຍ້ອນມີຄຸນງາມຄວາມດີ ໃນການສະໜອງເອກະສານລ້ຳຄ່າ ທີ່ກ່ຽວຂ້ອງເຖິງອະທິປະໄຕ ຢູ່ 2 ໝູ່ເກາະ Hoang Sa ແລະ Truong Sa ຂອງຫວຽດນາມ. ທ່ານ Nguyen Dang Vu, ຫົວໜ້າພະແນກວັດທະນະທຳ - ກິລາ - ທ່ອງທ່ຽວ ແຂວງກວາງຫງາຍໃຫ້ຮູ້ວ່າ:
“ນີ້ແມ່ນໂອກາດ ເພື່ອເຊີດຊູບັນດາວົງຕະກຸນໃນເກາະຫຼີເຊີນ ທີ່ຕິດພັນກັບການປະຕິບັດອະທິປະໄຕຜືນແຜ່ນດິນ ຢູ່ເຂດທະເລຕາເວັນອອກ ໃນຫຼາຍສະຕະວັດກ່ອນ. ຂ້າພະເຈົ້າຄິດວ່າ: ນີ້ກໍແມ່ນໂອກາດ ເພື່ອສົ່ງເສີມບັນດາວົງຕະກຸນອື່ນໆ ບໍ່ພຽງແຕ່ຢູ່ ຫຼີເຊີນ ແລະ ໃນແຂວງກວາງຫງາຍ ກໍຄືບັນດາທ້ອງຖິ່ນອື່ນ ເມື່ອເຂົາເຈົ້າມີບັນດາເອກະສານລ້ຳຄ່າຂອງບັນດາສະໄໝລາດຊະວົງກ່ອນ ທີ່ມອບໃຫ້ປະເທດເພື່ອຢັ້ງຢືນ ອະທິປະໄຕຜືນແຜ່ນດິນຂອງຫວຽດນາມ ຢູ່ທະເລຕາເວັນອອກໃນຫຼາຍສະຕະວັດກ່ອນ”