ກະຊວງການເງິນ ຜັນຂະຫຍາຍໜ້າທີ 6 ເດືອນຕົ້ນປີ
(ທ່ານຮອງນາຍົກລັດຖະມົນຕີ ຫວູວັນນິງ)
(vovworld) – ໃນ 6 ເດືອນຕົ້ນປີ 2014, ກະຊວງການເງິນ ໄດ້ສ້າງສຳເລັດແຜນຮ່າງ 17 ສະບັບ ຂຶ້ນກັບແຜນປະຕິບັດງານ, ປະກາດໃຊ້ເອກະສານນິຕິກຳແນະນຳການປະຕິບັດບັນດານະໂຍບາຍ, ລະບອບການເງິນງົບປະມານແຫ່ງລັດ 30 ສະບັບ. ລາຍຮັບງົບປະມານເພີ່ມຂຶ້ນເກືອບ 16% ເມື່ອທຽບໃສ່ໄລຍະດຽວກັນຂອງປີ 2013, ໃນນັ້ນລາຍຈ່າຍງົບປະມານ ປະມານກວ່າ 48% ຂອງແຜນງົບປະມານ. ນີແມ່ນຂໍ້ມູນທີ່ໄດ້ຍົກອອກມາທີ່ກອງປະຊຸມສະຫຼຸບ 6 ເດືອນຕົ້ນປີ 2014 ຂອງກະຊວງການເງິນ, ເຊິ່ງດຳເນີນໄປໃນຕອນເຊົ້າວັນທີ 04/07, ຢູ່ຮ່າໂນ້ຍ.
ແຕ່ນີ້ຮອດທ້າຍປີ 2014, ກະຊວງການເງິນ ຈະສຸມໃສ່ຜັນຂະຫຍາຍການປະຕິບັດບັດດາມາດຕະການຕົ້ນຕໍ່ຄື: ສືບຕໍ່ປະຕິບັດນະໂຍບາຍປີການເງິນງົບປະມານຢ່າງແໜ້ນແຟ້ນ, ປະຕິບັດການປະຢັດ, ສຳເລັດໜ້າທີ່ກ່ຽວກັບລາຍຮັບ, ລາຍຈາຍງົບປະມານ, ເພີ່ມທະວີວຽກງານຄຸ້ມຄອງລາຄາ…
ກ່າວຄຳເຫັນທີ່ກອງປະຊຸມ, ທ່ານຮອງນາຍົກລັດຖະມົນຕີ ຫວູວັນນິງ ເນັ້ນໜັກວ່າ, ໃນສະພາບທີ່ມີການຜັນແປຢ່າງສັບສົນຂອງພື້ນຖານເສດຖະກິດໂລກ, ພິເສດແມ່ນເລື່ອງ ຈີນ ຕັ້ງຮ້ານເຈາະນ້ຳມັນໄຮຢາງ ຢ່າງຜິດກົດໝາຍໃນເຂດເສດຖະກິດຈຳເພາະ ແລະ ໄຫຼ່ທະວີບຂອງຫວຽດນາມ, ໃນໄລຍະຈະມາເຖິງ ອາດຈະສົ່ງຜົນສະທ້ອນເຖິງການເຄື່ອນໄຫວຜະລິດ, ດຳເນີນທຸລະກິດພາຍໃນປະເທດ. ທ່ານຮອງນາຍົກລັດຖະມົນຕີ ຫວູວັນນິງ ສະເໜີວ່າ ທົ່ວຂະແໜງການເງິນ ຕ້ອງຊີ້ນຳຢ່າງຄົບຊຸດນະໂຍບາຍປີການເງິນງົບປະມານຢ່າງແໜ້ນແຟ້ນ, ປະກອບສ່ວນພ້ອມກັບລັດຖະບານປະຕິບັດຄາດໝາຍພັດທະນາເສດຖະກິດສັງຄົມໃຫ້ສຳເລັດຜົນ.