ບຸກຄົນທີ່ມາຈາກແຂວງ, ນະຄອນ ທີ່ມີກໍລະນີຕິດເຊື້ອໂຄວິດ - 19 ໃນຊຸມຊົນ ຕ້ອງແຈ້ງອາການສຸຂະພາບໃຫ້ຖືກຕ້ອງຕາມຄວາມຈິງ (ພາບ: TTXVN)

  ກະຊວງສາທາລະນະສຸກ ສະເໜີໃຫ້ປະທານຄະນະກຳມະການປະຊາຊົນ ແຂວງຕ່າງໆ ຊີ້ນຳປະຕິບັດບັນດາມາດຕະການກວດກາຢ່າງເຄັ່ງຄັດຜູ້ທີ່ມາຈາກເຂດມີກໍລະນີຕິດເຊື້ອພະຍາດໂຄວິດ - 19 ໃນຊຸມຊົນ ໃຫ້ຖືກຕ້ອງຕາມຂໍ້ກຳນົດຂອງ ຄະນະຊີ້ນຳແຫ່ງຊາດກ່ຽວກັບການປ້ອງກັນ, ສະກັດກັ້ນໂລກລະບາດໂຄວິດ - 19 ແລະ ກະຊວງສາທາລະນະສຸກ.

        ຕາມນັ້ນແລ້ວ, ບຸກຄົນທີ່ມາຈາກແຂວງ, ນະຄອນ ທີ່ມີກໍລະນີຕິດເຊື້ອໂຄວິດ - 19 ໃນຊຸມຊົນ ຕ້ອງແຈ້ງອາການສຸຂະພາບໃຫ້ຖືກຕ້ອງຕາມຄວາມຈິງ ແລະ ຕ້ອງມີຄວາມຮັບຜິດຊອບຕໍ່ຂໍ້ມູນເຫຼົ່ານັ້ນ. ປະຕິບັດການແຍກຕົວສຳລັບຜູ້ມີການສຳຜັດໂດຍກົງກັບຜູ້ຕິດເຊື້ອພະຍາດໂຄວິດ - 19 (F1) ຫຼື ກໍລະນີ F2 – ຜູ້ທີ່ມີການສຳຜັດກັບຜູ້ F1. ສຳລັບກໍລະນີທີ່ມາຈາກເຂດມີຜູ້ຕິດເຊື້ອໃນຊຸມຊົນ ກໍຕ້ອງປະຕິບັດການຕິດຕາມອາການສຸຂະພາບ ແລະ ຮຽກຮ້ອງໃຫ້ຈຳກັດການສຳຜັດກັບຜູ້ອ້ອມຂ້າງ, ບໍ່ເຂົ້າຮ່ວມກິດຈະກຳທີ່ເຕົ້າໂຮມກັນຫຼາຍຄົນ ໃນຮອບເວລາ 14 ວັນ. 

ທ່ານຮອງນາຍົກລັດຖະມົນຕີ ຫວູດຶກດາມ ເຮັດວຽກກັບການນຳແຂວງ ດົ່ງນາຍ

ໃນຕອນເຊົ້າວັນທີ 24 ມິຖຸນາ, ທ່ານຮອງນາຍົກລັດຖະມົນຕີ ຫວູດຶກດາມ, ຫົວໜ້າຄະນະຊີ້ນຳແຫ່ງຊາດກ່ຽວກັບການປ້ອງກັນ, ສະກັດກັ້ນໂລກລະບາດໂຄວິດ - 19 ໄດ້ເຮັດວຽກກັບການນຳແຂວງ ດົ່ງນາຍກ່ຽວກັບມາດຕະການປ້ອງກັນ, ສະກັດກັ້ນໂລກລະບາດໂຄວິດ - 19 ຜ່ານທາງອອນລາຍ.