ກະຊວງສາທາລະນະສຸກມອບຕູ້ຢາໃຫ້ບັນດາກຳປັ່ນຫາປາໄກຝັ່ງຂອງຊາວປະມົງແຂວງຮ່າຕີ້ງ
ພິທີມອບຕູ້ຢາ 157 ຕູ້ໃຫ້ບັນດາກຳປັ່ນຫາປາໄກຝັ່ງໃຫ້ ແຂວງຮ່າຕິ້ງ
(ພາບ: Trần Lê Lâm/TTXVN)
(vovworld) - ວັນທີ 27/7, ຄະນະປະຕິບັດງານຂອງກະຊວງສາທາລະນະສຸກໂດຍທ່ານນາງລັດຖະມົນຕີ ຫງວຽນທິກິມຕ໋ຽນ, ຫົວໜ້າຄະນະຊີ້ນຳແຫ່ງຊາດກ່ຽວກັບການແພດທະເລ, ໝູ່ເກາະເປັນຫົວໜ້າຄະນະຈັດຕັ້ງພິທີມອບຕູ້ຢາ 157 ຕູ້ໃຫ້ບັນດາກຳປັ່ນຫາປາໄກຝັ່ງໃຫ້ສະມາຄົມອາຊີບຫາປາຕາແສງ ເກີມເຍືອງ, ເມືອງເກີ໋ມຊວຽນ, ແຂວງຮ່າຕິ້ງ ແລະ ມອບຂອງຂວັນໃຫ້ບາງຄອບຄົວຜູ້ມີຄຸນງາມຄວາມດີກັບການປະຕິວັດທ້ອງຖີ່ນ. ນີ້ແມ່ນການເຄື່ອນໄຫວປະກອບສ່ວນຍູ້ແຮງການປະຕິບັດມາດຖານທີ່ລັດຖະບານໄດ້ວາງອອກແມ່ນຮອດປີ 2020, ຜູ້ອອກແຮງງານ 100% ໃນກຳປັ່ນມີຄວາມຮູ້ກ່ຽວກັບການຮັກສາສຸຂະພາບ ແລະ ຮຽກຮ້ອງການຊ່ວຍເຫຼືອໃນສະຖານະການສຸກເສີນ.
ເນື່ອງໃນໂອກາດໄປປະຕິບັດງານຢູ່ຮ່າຕີ້ງ, ທ່ານນາງລັດຖະມົນຕີກະຊວງສາທາລະນະສຸກ ຫງວຽນທິກິມຕ໋ຽນ ໄດ້ໄປວາງພວງມາລາ, ທະຫວາຍທູບທຽນຢູ່ສຸສານທ່ານເລຂາທິການໃຫຍ່ ຮ່າຮູຍເຕີບ, ສຸສານທ່ານເລຂາທິການໃຫຍ່ ເລຢ໋ວນ.