ກະທຳເພື່ອສິ່ງແລດລ້ອມຢູ່ເຂດຊົນນະບົດແບບຍືນຍົງ
ບັ້ນຂົນຂວາຍເຮັດໃຫ້ໂລກສະອາດກວ່າ ປີ 2015
(ພາບ: baohungyen.vn)
(vovworld) – ວັນທີ 19/09, ຢູ່ແຂວງຮືງອຽນ, ກະຊວງຊັບພະຍາກອນ ແລະ ສິ່ງແວດລ້ອມ ໄດ້ສົມທົບກັບຄະນະກຳມະການປະຊາຊົນແຂວງຮືງອຽນ ແລະ ສະຖານທູດອົດສະຕາລີ ປະຈຳຫວຽດນາມ ປຸກລະດົມບັ້ນຂົນຂວາຍເຮັດໃຫ້ໂລກສະອາດກວ່າ ປີ 2015. ຫົວຂໍ້ຂອງພິທີປຸກລະດົມລະດັບຊາດ ສະໜັບສະໜູນບັ້ນຂົນຂວາຍເຮັດໃຫ້ໂລກສະອາດກວ່າ ປີ 2015 ແມ່ນ “ຈົ່ງມີການກະທຳເພື່ອສິ່ງແວດລ້ອມຢູ່ເຂດຊົນນະບົດຍືນຍົງກວ່າ”, ເນັ້ນໜັກເຖິງບົດບາດຂອງເຂດຊົນນະບົດ ໃນວຽກງານປົກປັກຮັກສາສິ່ງແວດລ້ອມ ກໍຄືການກໍ່ສ້າງຊົນນະບົດໃໝ່, ມຸ່ງໄປເຖິງພື້ນຖານການຜະລິດທີ່ກ້າວໜ້າ, ໝັ້ນຄົງກວ່າ. ດ້ວຍຄຳຂວັນທີ່ວ່າ “ແຕ່ລະຄົນລ້ວນແຕ່ສາມາດເຮັດໃຫ້ໂລກສະອາດກ່ວາ”, “ປົກປັກຮັກສາສິ່ງແວດລ້ອມແມ່ນໜ້າທີ່ຮັບຜິດຊອບຂອງທົ່ວສັງຄົມ”, ພິທີປຸກລະດົມແມ່ນໂອກາດເພື່ອໃຫ້ກຸ່ມປະຊາຄົມ, ສ່ວນບຸກຄົນ ແລະ ປະເທດຕ່າງໆພ້ອມກັນເຂົ້າຮ່ວມບັນດາການເຄື່ອນໄຫວປັບປຸງ ແລະ ປົກປັກຮັກສາສິ່ງແວດລ້ອມ, ເກັບໂຮມ, ກຳຈັດສິ່ງເສດເຫຼືອ, ສະກັດກັ້ນລະດັບມົນລະຜິດ, ການຊຸດຊົມຂອງສິ່ງແວດລ້ອມ, ຮັບປະກັນຄວາມສົມດຸນຂອງຊີວະພາບ.