ການຄ້າເອເລັກໂຕນິກແມ່ນສະພາບແວດລ້ອມດຳເນີນທຸລະກິດສະດວກ
ພາບປະກອບ:internet
|
(vovworld)- “ການຄ້າເອເລັກໂຕນິກແມ່ນສະພາບແວດລ້ອມດຳເນີນທຸລະກິດສະດວກໃຫ້ບັນດາວິສາຫະກິດຂະຫນາດກາງແລະນ້ອຍ”. ນີ້ແມ່ນຄຳເຫັນຂອງ ດຣ ຫງວຽນດີງຈຸກ, ຮອງຫົວຫນ້າສະຖາບັນຍຸດທະສາດພັດທະນາເຂດແບບຍືນຍົງ ທີ່ກອງປະຊຸມສຳມະນາທີ່ມີຫົວຂໍ້ວ່າ “ຜົນສະທ້ອນຂອງ ອິນເຕີແນດ ແລະ ການຄ້າເອເລັກໂຕນິກຕໍ່ການເຄື່ອນໄຫວຂອງບັນດາວິສາຫະກິດຂະຫນາດກາງ ແລະ ນ້ອຍ ຫວຽດນາມ” ຊື່ງຈັດຂຶ້ນໃນຕອນບ່າຍວັນທີ 28/7 ຢູ່ ຮ່າໂນ້ຍ. ດຣ ຫງວຽນດີງຈຸກ ຖືວ່າ: ອິນເຕີແນດ ແລະ ການຄ້າເອເລັກໂຕນິກ ຫນູນຊ່ວຍວິສາຫະກິດ ຂະຫນາດກາງ ແລະ ນ້ອຍ ຫລຸດຜ່ອນລາຍຈ່າຍການຕິດຕໍ່ພົວພັນ ແລະ ສ້າງກຳລັງແກ້ງແຍ້ງຢ່າງສະເຫມີພາບ, ເປີດກວ້າງຂອບເຂດ maketing, ເປີດກວ້າງການຕິດຕໍ່ພົວພັນພາຍໃນ ແລະ ນອກວິສາຫະກິດ, ຫລຸດຜ່ອນລາຍຈ່າຍການເຄື່ອນໄຫວ ແລະ ລາຍຈ່າຍຂໍ້ມູນຂ່າວ ກັບບັນດາບໍລິສັດສະຫນອງ.
ໄລ່ມາຮອດໄລຍະ 2012-2013, ພື້ນຖານໂທລະຄົມມະນາຄົມ, ອິນເຕີແນດຢູ່ ຫວຽດນາມ ໄດ້ຮັບການສ້າງຕັັ້ງ ແລະ ພັດທະນາດ້ວຍຈຳນວນເຄື່ອງຄອມພິວເຕີ ເພີ່ມຂຶ້ນ 11%, ມີກວ່າ 30 ລ້ານຄົນນຳໃຊ້ ອິນເຕີແນດ, ກວ່າ 17 ລ້ານຄົນຊົມໃຊ້ບໍລິການ 3G.