(ພາບ: baotintuc.vn)
(vovworld)- ທະຫານເຮືອອິນໂດເນເຊຍ ແລະ ໄທ ພວມດຳເນີນການຊ້ອມຮົບຮ່ວມທີ່ມີຊື່ວ່າ “ນົກອິນຊີທະເລ AB-13“ ຢູ່ Surabaya ເມືອງເອກແຂວງ Java ຕາເວັນອອກ-ປະເທດອິນໂດເນເຊຍ. ການຊ້ອມຮົບຮ່ວມຄັ້ງນີ້ ຈະປັບປຸງການຮ່ວມມື ແລະ ຍົກສູງຄວາມສາມາດປະຕິບັດໜ້າທີ່ຂອງທະຫານເຮືອສອງປະເທດ. ການຊ້ອມຮົບຮ່ວມນີ້ ຖືກດຳເນີນໄປໃນເວລາ 2 ປີເທື່ອ 1 ເພື່ອແນໃສ່ຮັກສາ ແລະ ປັບປຸງການຮ່ວມມືລະຫວ່າງສອງຝ່າຍໃນຂອບເຂດເພີ່ມທະວີການຮັບປະກັນຄວາມສະຫງົບປອດໄພຂອງພາກພື້ນ. ທ່ານພັນເອກ Rachmad Jayadi ຜູ້ບັນຊາການທະຫານເຮືອອິນໂດເນເຊຍ ເຂົ້າຮ່ວມການຊ້ອມຮົບໃຫ້ຮູ້ວ່າ: ການຊ້ອມຮົບ “ນົກອິນຊີທະເລ AB-13“ ຈະລວມມີການແກ້ໄຂບັນດາກໍລະນີພື້ນຖານເພື່ອຍົກສູງຄວາມສາມາດດ້ານຍຸດທະວິທີ, ເພີ່ມທະວີປະສິດທິຜົນການແລກປ່ຽນບັນຊາ, ການຕິດຕໍ່ພົວພັນ, ແລະ ການຮົບບົນທະເລ. ກອງທັບເຮືອກໄທ ໄດ້ສົ່ງສຳປັ່ນ 2 ລຳເຂົ້າຮ່ວມການຊ້ອມຮົບຄັ້ງນີ້.