ການຕີລາຄາ, ຜັນຂະຫຍາຍນະໂຍບາຍຫຼຸດຜ່ອນຄວາມທຸກຍາກຕ້ອງແທດຈິງ
(ທ່ານນາງລັດຖະມົນຕີກະຊວງແຮງງານ,
ທະຫານເສຍອົງຄະ ແລະ ສັງຄົມ ຟ້າມທິຫາຍຈ່ວຽນ)
(vovworld) – ເນື່ອງໃນໂອກາດເດືອນເພື່ອຄົນທຸກຍາກ, ໃນລາຍການ “ປະຊາຊົນຖາມ - ລັດຖະມົນຕີຕອບ”, ວັນທີ 12/10, ທ່ານນາງລັດຖະມົນຕີກະຊວງແຮງງານ, ທະຫານເສຍອົງຄະ ແລະ ສັງຄົມ ຟ້າມທິຫາຍຈ່ວຽນ ໄດ້ຕອບຫຼາຍຄຳຖາມເຊິ່ງປະຊາຊົນມີຄວາມສົນໃຈກ່ຽວກັບ ການພະຈາລະນາຈັດອັນດັບຄອບຄົວທຸກຍາກຢູ່ບັນດາທ້ອງຖິ່ນ; ເລື່ອງສ້າງມາດຖານຄອບຄົວທຸກຍາກໃໝ່ຕາມວິທີສຳພັດຫຼາຍດ້ວຍຫຼາຍແງ່ມູມຮອບດ້ານ; ນະໂຍບາຍຊ່ວຍເຫຼືອຄົນທຸກຍາກໃຫ້ຫຼຸດພົ້ນອອກຈາກຄວາມທຸກຍາກຢ່າງໝັ້ນຄົງ.
ທ່ານນາງຟ້າມທິຫາຍຈ່ວຽນ ໃຫ້ຂໍ້ສັງເກດວ່າ, ການຜິດດ່ຽງລະຫວ່າງຄອບຄົວທຸກຍາກ ແລະ ຄອບຄົວໃກ້ຈະທຸກຍາກແມ່ນບໍ່ຫຼາຍ, ລັດຖະບານໄດ້ໃຫ້ບຸລິມະສິດຕາມລຳດັບໃຫ້ເປົ້າໝາຍແມ່ນຄອບຄົວທຸກຍາກ, ຄອບຄົວຫາກໍ່ຫຼຸດພົ້ນອອກຈາກຄວາມທຸກຍາກ ແລະ ຄອບຄົວໃກ້ຈະທຸກຍາກ. ໃນນັ້ນ, ນະໂຍບາຍຫຼຸດຜ່ອນຄວາມທຸກຍາກຍັງຄົບສືບຕໍ່ໄດ້ຮັບບຸລິມະສິດ, ໂດຍສະເພາະແມ່ນສຳລັບຄົນທຸກຍາກຢູ່ເຂດປະສົບກັບຄວາມຫຍຸ້ງຍາກເປັນພິເສດ, ເຂດພູດອຍເພື່ອຫຼຸດຜ່ອນຄວາມຜິດໂຕນລະຫວ່າງບັນດາເປົ້າໝາຍດັ່ງກ່າວ.