ພິທີສວນມົນອາໄລຫານັກຮົບວິລະຊົນທີ່ໄດ້ເສຍສະຫຼະຊີວິດ
(vovworld) - ວັນທີ 23/7, ຢູ່ເຂດປູຊະນີຍະຖານປະຫວັດແຫ່ງຊາດພິເສດເມືອງເກົ່າກວາງຈີ້, ສະມາຄົມນັກຮົບກຳແພງເກົ່າ ກວາງຈີ້ ແລະ ສະມາຄົມພຸດທະສາສະໜາ ຫວຽດນາມ ແຂວງ ກວາງຈີ້ ຈັດຕັ້ງພິທີສວນມົນອາໄລຫານັກຮົບວິລະຊົນທີ່ໄດ້ເສຍສະຫຼະຊີວິດ ໃນບັ້ນຮົບປົກປັກຮັກສາກຳແພງເກົ່າ ກວາງຈີ້ ເມື່ອປີ 1972. ການຕໍ່ສູ້ປົກປັກຮັກສາກຳແພງເກົ່າ ກວາງຈີ້ ປີ 1972 ໄດ້ກາຍເປັນສັນຍາລັກແຫ່ງເຈດຈຳນົງ “ຍອມສະຫຼະຊີວິດ ເພື່ອໃຫ້ປະເທດຊາດຍືນຍົງຄົງຕົວ”, ແມ່ນຂີດໝາຍອັນສະຫງ່າລາສີຂອງລັດທິວິລະຊົນປະຕິວັດ. ທ່ານ ເລຊວນແຕ໋ງ, ປະທານສະມາຄົມນັກຮົບກຳແພງເກົ່າ ກວາງຈີ້ ໃຫ້ຮູ້ວ່າ:
“ໃນການຕໍ່ສູ້ຢ່າງດຸເດືອດນັ້ນ, ມີນັກຮົບນັບໝຶ່ນຄົນໄດ້ເສຍສະຫຼະຊີວິດ, ພວກຂ້າພະເຈົ້າຈັດຕັ້ງພິທີສວນມົນຂໍໃຫ້ວິນຍານນັກຮົບທີ່ເສຍສະຫຼະຊີວິດເພື່ອຊາດ, ໄປສູ່ສຸຄະຕິ ເພື່ອສະແດງຄວາມຮູ້ບຸນຄຸນຂອງສະມາຄົມນັກຮົບປົກປັກຮັກສາກຳແພງເກົ່າ ປີ 1972 ທີ່ມີຕໍ່ຜູ້ທີ່ໄດ້ເສຍສະຫຼະເລືອດເນື້ອ ແລະ ຄອບຄົວທີ່ມີລູກຫລານເສຍສະຫຼະຊີວິດທີ່ນີ້.”
ເນື່ອງໃນໂອກາດນີ້, ຫລາຍອົງການ, ຫົວໜ່ວຍ, ຜູ້ໃຈບຸນໃຈກຸສົນໄດ້ມອບໃຫ້ສະມາຄົມນັກຮົບກຳແພງເກົ່າກວາງຈີ້ 2 ຕື້ດົ່ງ.
ດິ່ງທ້ຽວ, ນັກຂ່າວ VOV ປະຈຳພາກກາງ