ການທູດປະກອບສ່ວນປະຕິບັດໜ້າທີ່ປົກປັກຮັກສາ ປະເທດຊາດຢ່າງມີໄຊ
ການທູດປະກອບສ່ວນປະຕິບັດໜ້າທີ່ປົກປັກຮັກສາປະເທດຊາດຢ່າງມີໄຊ
(ພາບ: TTXVN)
(vovworld) - ການທູດປະກອບສ່ວນປະຕິບັດໜ້າທີ່ປົກປັກຮັກສາປະເທດຊາດຢ່າງມີໄຊ, ແມ່ນຫົວຂໍ້ຂອງກອງປະຊຸມຖືກດຳເນີນໃນຕອນເຊົ້າວັນທີ 19/12 ໃນຂອບເຂດກອງປະຊຸມການທູດຄັ້ງທີ 28. ກ່າວຄຳເຫັນທີ່ກອງປະຊຸມ, ທ່ານປະທານປະເທດ ເຈືອງເຕີນຊາງ ເນັ້ນໜັກວ່າ ໃນບັນດາຜົນງານລວມຂອງປະເທດ, ຂະແໜງການທູດໄດ້ມີການປະກອບສ່ວນຢ່າງເໝາະສົມເຂົ້າໃນວຽກງານປົກປັກຮັກສາເອກະລາດ, ອະທິປະໄຕ, ພື້ນແຜນດິນອັນຄົບຖວ້ນ ແລະ ຜົນປະໂຫຍດຂອງປະເທດຊາດ. ບັນດາການປະກອບສ່ວນດັ່ງກ່າວໄດ້ປະກອບສ່ວນປັບປຸງສະພາບສັນຕິພາບເພື່ອສ້າງສາປະເທດຊາດ, ຍາດແຍ່ງຄວາມເຫັນດີເຫັນພ້ອມ, ການສະໜັບສະໜູນຂອງວົງຄະນະຍາດສາກົນ, ຍົກສູງທີ່ຕັ້ງສາກົນ ແລະ ກຳລັງແຮງລວມຂອງປະເທດຊາດ.
ທ່ານປະທານປະເທດເຈືອງເຕີນຊາງ ໄດ້ໄຈ້ແຍກບັນດາການຜັນແປ່ຢ່າງສັບສົນຂອງສະພາບການໂລກ, ພາກພື້ນ ແລະ ຮຽກຮ້ອງໃຫ້ກະຊວງການຕ່າງປະເທດ, ໃນນັ້ນ ບັນດາເອກອັກຄະລັດຖະທູດ, ຫົວໜ້າອົງການຕາງໜ້າຫວຽດນາມ ປະຈຳຕ່າງປະເທດ ຕ້ອງເປັນເຈົ້າການ ແລະ ຜັນຂະຫຍາຍບັນດາທັດສະນະຊີ້ນຳໃນເອກະສານ, ມະຕິສະບັບຕ່າງໆຂອງກອງປະຊຸມໃຫຍ່ທົ່ວປະເທດຂອງພັກຄັ້ງທີ 11 ຢ່າງຕັ້ງໜ້າ; ພ້ອມທັງນຳໃຊ້ຍຸດໂທບາຍໃນສະພາບຕົວຈິງຂອງວຽກງານຢ່າງມີໄຫວພິບ. ທ່ານປະທານປະເທດ ໄດ້ຊີ້ນຳກະຊວງການຕ່າງປະເທດໃນຂອບເຂດບົດບາດໜ້າທີ່ຂອງຕົນ, ຕ້ອງຍູ້ແຮງວຽກງານຄົ້ນຄວ້າ, ເປັນເສນາທິການຍຸດທະສາດ; ເຮັດໃຫ້ການພົວພັນກັບບັນດາຄູ່ຮ່ວມມືກ້າວເຂົ້າສູ່ລວງເລີກ; ປະກອບສ່ວນ ຢ່າງມີປະສິດທິຜົນບົນເວທີປາໄສພາກພື້ນ ແລະ ສາກົນ; ປະກອບສ່ວນຢ່າງແທດຈິງເຂົ້າໃນພາລະກິດສ້າງສາ ແລະ ປົກປັກຮັກສາປະເທດຊາດ.