ທ່ານປະທານາທິບໍດີ ຕວກກີ Recep Tayyip Erdogan  ແລະຄູ່ຕໍາແໜ່ງລັດເຊຍ Vladimir Putin (ພາບປະກອບ: TTXVN)

ຫ້ອງວ່າການປະທານາທິບໍດີ ຕວກກີ ໃຫ້ຮູ້ວ່າ, ວັນທີ 9 ພະຈິກ, ທ່ານປະທານາທິບໍດີ ຕວກກີ Recep Tayyip Erdogan  ໄດ້ມີການໂອ້ລົມສົນທະນາທາງໂທລະສັບກັບຄູ່ຕໍາແໜ່ງລັດເຊຍ Vladimir Putin ເພື່ອປຶກສາຫາລືກ່ຽວກັບສະພາບການຢູ່ ຊີຣີ ແລະ ການພົວພັນສອງຝ່າຍ.

        ໃນການໂອ້ລົມສົນທະນາ, ການນໍາສອງທ່ານໄດ້ຢັ້ງຢືນຄືນໃໝ່ ປະຕິບັດຄໍາໝັ້ນສັນຍາທີ່ລະບຸໃນຂໍ້ຕົກລົງ Sochi ເຊິ່ງສອງຝ່າຍບັນລຸໄດ້ໃນວັນທີ 22 ຕຸລາ ກ່ຽວກັບການຖອນບັນດາກໍາລັງຊາວ Kurd ອອກຈາກເຂດທາງພາກເໜືອ ຊີຣີ ເຊິ່ງມີຊາຍແດນຕິດກັບ ຕວກກີ. ນອກນັ້ນ, ສອງຝ່າຍກໍໄດ້ປຶກສາຫາລືກ່ຽວກັບບັນດາຂັ້ນຕອນຕໍ່ໄປ ເພື່ອແນໃສ່່ຊຸກຍູ້ການພົວພັນລະຫວ່າງສອງຝ່າຍ ແລະ ເພີ່ມວົງເງິນການຄ້າສອງປະເທດຂຶ້ນ.