ການນຳ VOV ຢ້ຽມຢາມ ແລະ ມອບຂອງຂວັນໃຫ້ຊາວປະມົງ ຢູ່ເມືອງເກາະຫຼີເຊີນ
|
(vovworld)- ຕອນເຊົ້າວັນທີ 27/6, ຄະນະປະຕິບັດງານ ວິທະຍຸກະຈາຍສຽງຫວຽດນາມໂດຍທ່ານຜູ້ອຳນວຍການໃຫຍ່ ຫງວຽນດັງຕ້ຽນ ນຳໜ້າໄດ້ໄປ ຢ້ຽມຢາມ, ເຮັດວຽກ ແລະ ມອບຂອງຂວັນໃຫ້ຊາວປະມົງຢູ່ເມືອງເກາະຫຼີເຊີນ ແຂວງກວາງງ້າຍ.
ທີ່ການພົບປະ, ການນຳເມືອງຫຼີເຊີນຢືນຢັນວ່າ ເຖິງວ່າຈີນໄດ້ຕັ້ງຮ້ານເຈາະນ້ຳມັນໄຮຢາງ 981 ຢ່າງຜິດກົດໝາຍໃນເຂດເສດຖະກິດຈຳເພາະ ແລະ ໄຫຼ່ທະວີບຂອງຫວຽດນາມ, ສືບຕໍ່ເກາະຜິດກັບກຳປັ່ນຫາປາຂອງຊາວປະມົງຫວຽດນາມ, ແຕ່ຊາວປະມົງຢູ່ເມືອງເກາະຫຼີເຊີນຍັງຄົງອົງອາດກ້າແກ່ນ ເດີນທະເລຫາປາ, ປະກອບສ່ວນປົກປັກຮັກສາອະທິປະໄຕເຂດທະເລໝູ່ເກາະທີ່ສັກກະຫຼະບູຊາຂອງປະເທດຊາດ.
ທ່ານຜູ້ອຳນວຍການໃຫຍ່ ວິທະຍຸກະຈາຍສຽງຫວຽດນາມ ຫງວຽນດັງຕ້ຽນ ຢືນຢັນວ່າ ວິທະຍຸກະຈາຍສຽງຫວຽດນາມຍາມໃດກໍຮຽງບ່າຮຽງໄຫຼ່ພ້ອມກັບຊາວປະມົງ. ຜ່ານຄື້ນກະຈາຍສຽງ ແລະ ສື່ມວນຊົນອື່ນໆ, ວິທະຍຸກະຈາຍສຽງຫວຽດນາມຮຽກຮ້ອງຫາງສຽງສາກົນທີ່ຮັກຫອມສັນຕິພາບໃນໂລກ ຈົ່ງສະໜັບ ສະໜູນຄວາມເປັນທຳຂອງຫວຽດນາມໃນກິດຈະການສ້າງສາ ແລະ ປົກປັກຮັກສາອະທິປະໄຕ, ຮຽກຮ້ອງຊາວຫວຽດນາມທົ່ວປະເທດຈົ່ງມຸ່ງໄປສູ່ ເຂດທະເລໝູ່ເກາະ, ປົກປັກຮັກສາອະທິປະໄຕເຂດທະເລໝູ່ເກາະທີ່ສັກກະຫຼະບູຊາຂອງປະເທດຊາດ