ທ່ານ Donald Trump. (ພາບ:Reuters)

ເນື່ອງໃນໂອກາດທ່ານ Donald John Trump ໄດ້ຮັບເລືອກຕັ້ງເປັນປະທານາທິບໍດີ ອາເມລິກາ, ວັນທີ 7 ພະຈິກ ປີ 2024, ທ່ານເລຂາທິການໃຫຍ່ ໂຕເລີມ, ທ່ານປະທານປະເທດ ເລືອງເກື່ອງ ແລະທ່ານນາຍົກລັດຖະມົນຕີ ຟ້າມມິງຈິງ ໄດ້ສົ່ງສານອວຍພອນ.

ການນຳຂັ້ນສູງຫວຽດນາມ ຢືນຢັນ: ຫວຽດນາມຖື ອາເມລິກາ ແມ່ນຄູ່ຮ່ວມມືມີລະດັບສຳຄັນຍຸດທະສາດ ແລະເຊື່ອໝັ້ນວ່າດ້ວຍພື້ນຖານອັນໝັ້ນແກ່ນຊື່ງໄດ້ກໍ່ຕັ້ງຂຶ້ນຈາກການນຳລຸ້ນຕ່າງໆຂອງສອງປະເທດໃນເກືອບ 3 ທົດສະວັດຜ່ານມາ, ພ້ອມກັບການສະຫນັບສະຫນູນຢ່າງແຮງຈາກທ່ານປະທານາທິບໍດີ Donald John Trump ໃນອາຍຸການທີຫນຶ່ງ ກໍ່ຄືອາຍຸການໃຫມ່, ການພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ - ອາເມລິກາ ຈະສືບຕໍ່ພັດທະນາຢ່າງເລິກເຊິ່ງ, ກວ້າງຂວາງ, ມີປະສິດທິຜົນ, ຍືນຍົງເພື່ອຜົນປະໂຫຍດ ແລະ ຄວາມປາດຖະຫນາຂອງປະຊາຊົນສອງປະເທດ ແລະ ເພື່ອສັນຕິພາບ, ສະຖຽນລະພາບ, ການຮ່ວມມື ແລະ ພັດທະນາຢູ່ ພາກພື້ນ ແລະໃນໂລກ.

ແລະກໍ່ໃນວັນດຽວກັນ, ທ່ານນາງ ຮອງປະທານປະເທດ ຫວຽດນາມ ຫວໍທິແອງຊວນ ໄດ້ສົ່ງສານອວຍພອນໄປຍັງທ່ານ James David Vance  ຫາກໍ່ໄດ້ຮັບການເລືອກຕັ້ງເປັນຮອງປະທານາທິບໍດີ ອາເມລິກາ.