ການນຳຂັ້ນສູງສ.ເຊັກໂກສົ່ງຄຳຂອບໃຈເຖິງລັດຖະບານຫວຽດນາມແລະຊາວຫວຽດນາມຢູ່ສ.ເຊັກໂກທີ່ໄດ້ໜູນຊ່ວຍການປ້ອງກັນ, ສະກັດກັ້ນ ໂລກລະບາດCovid -19
(VOVWORLD) -ຕອນບ່າຍວັນທີ 15 ເມສາ, ສະມາຄົມຊາວຫວຽດນາມອາໄສຢູ່ສ.ເຊັກໂກໄດ້ສົມທົບກັບສະຖານທູດຫວຽດນາມປະຈຳ ສ.ເຊັກໂກແລະບັນດາອົງການທີ່ມີໜ້າທີ່ຮັບຜິດຊອບຂອງສ.ເຊັກໂກຈັດຕັ້ງພິທີມອບຜ້າອັດປາກ - ດັງຂ້າເຊື້ອໃຫ້ແກ່ເຮືອນພັກຜູ້ສູງອາຍຸ 2 ແຫ່ງຢູ່ນະຄອນຫຼວງPraha.
ພິທີມອບຮັບເຄື່ອງໜູນຊ່ວຍໃຫ້ແກ່ໂຮງໝໍມະຫາວິທະຍາໄລສາທາລະນະສຸກ ຢູ່ Prague (ພາບ: Vietnam+)
|
ກ່າວຄຳເຫັນທີ່ພິທີ, ທ່ານລັດຖະມົນຕີກະຊວງການຕ່າງປະເທດສ.ເຊັກໂກໄດ້ສະແດງຄວາມເຄົາລົບນັບຖືຕໍ່ການໜູນຊ່ວຍຂອງປະຊາຄົມຊາວຫວຽດນາມອາໄສຢູ່ສ.ເຊັກໂກແລະບັນດາອົງການຈັດຕັ້ງຂອງຊາວຫວຽດນາມຢູ່ທີ່ນີ້.
ສ່ວນທ່ານໂຮ່ມິງຕ໊ວນເອກອັກຄະລັດຖະທູດຫວຽດນາມປະຈຳສ.ເຊັກໂກໄດ້ຕີລາຄາສູງຕໍ່ບັນດາການເຄື່ອນໄຫວຂອງປະຊາຄົມຊາວຫວຽດນາມ ທີ່ໄດ້ຮ່ວມແຮງຮ່ວມໃຈກັບອຳນາດການປົກຄອງແລະປະຊາຊົນສ.ເຊັກໂກໃນການປ້ອງກັນ, ສະກັດກັ້ນໂລກລະບາດCovid – 19.
ໂດຍສະແດງໃຫ້ເຫັນຄວາມຮູ້ບຸນຄຸນໄປຍັງປະຊາຄົມຊາວຫວຽດນາມອາໄສຢູ່ສ.ເຊັກໂກ, ທ່ານນາງ Jana Maláčováລັດຖະມົນຕີກະຊວງແຮງງານແລະບັນດາບັນຫາສັງຄົມສ.ເຊັກໂກໄດ້ເນັ້ນໜັກວ່າບັນດາຂອງຂວັນເຊິ່ງວົງຄະນະຍາດຊາວຫວຽດນາມອາໄສຢູ່ສ.ເຊັກໂກມອບໃຫ້ ມີຄວາມໝາຍທີ່ສຸດໃນສະພາບການທີ່ປະເທດນີ້ພວມຂາດເຂີນຜ້າອັດປາກ - ດັງຂ້າເຊື້ອຢ່າງຫຼວງຫຼາຍ. ທ່ານນາງກໍ່ຢັ້ງຢືນວ່ານີ້ແມ່ນສິ່ງທີ່ພິສູດໃຫ້ເຫັນຢ່າງມີຊີວິດຊີວາທີ່ສຸດໃຫ້ແກ່ການພົວພັນອັນດີງາມລະຫວ່າງສອງປະເທດເວົ້າລວມກໍ່ຄືປະຊາຄົມຊາວຫວຽດນາມອາໄສຢູ່ສ.ເຊັກໂກແລະປະຊາຊົນປະເທດປະຈຳຖິ່ນເວົ້າສະເພາະ.