ທ່ານ ເລບ໋າຈິ່ງອວຍພອນສະມາຄົມ ໂປແຕສຕັງ ຫວຽດນາມ
(ພາກໃຕ້) ເນື່ອງໃນໂອກາດບຸນຄຼິດສະມາດ 2015
(ພາບ: daidoanket.vn)
(vovworld) - ວັນທີ 17/12, ຄະນະປະຕິບັດງານຄະນະກຳມະການສູນກາງແນວໂຮມປະເທດຊາດຫວຽດນາມ, ໂດຍທ່ານ ເລບ໋າຈິ່ງ, ຮອງປະທານຄະນະກຳມະການສູນກາງແນວໂຮມປະເທດຊາດ ຫວຽດນາມນຳໜ້າ, ໄດ້ມາຢ້ຽມຢາມ, ອວຍພອນສະມາຄົມ ໂປແຕສຕັງ ຫວຽດນາມ (ພາກໃຕ້) ເນື່ອງໃນໂອກາດບຸນຄຼິດສະມາດ 2015. ນະທີ່ນີ້, ທ່ານ ເລບ໋າຈິງ ຕີລາຄາສູງບັນດາການເຄື່ອນໄຫວກຸສົນສັງຄົມ, ເຊິ່ງສະມາຄົມ ໂປແຕສຕັງປະຕິບັດໄດ້ໃນໄລຍະຜ່ານມາ ແລະ ຫວັງວ່າໄລຍະຈະມາເຖິງ, ສະມາຄົມ ໂປແຕສຕັງສືບຕໍ່ປຸກລະດົມ, ສົ່ງເສີມພໍ່ແມ່ປະຊາຊົນເຂົ້າຮ່ວມບັນດາການເຄື່ອນໄຫວສັງຄົມ, ບັນດາຂະບວນການຮັກຊາດ, ສືບຕໍ່ເສີມຂະຫຍາຍມູນເຊື້ອແຫ່ງຄວາມສາມັກຄີຊົນຊາດ, ປະກອບສ່ວນສ້າງສາ ແລະ ປົກປັກຮັກສາປະເທດຊາດ. ຕາງໜ້າຄະນະຄຸ້ມຄອງສະມາຄົມໃຫຍ່, ບາດຫຼວງ ຟານວິ້ງກື້, ຫົວໜ້າສະມາຄົມໂປແຕສຕັງ ຢືນຢັນຈະສືບຕໍ່ປຸກລະດົມບັນດາສາສະນິກະຊົນເຂົ້າຮ່ວມຂະບວນການແຂ່ງຂັນຮັກຊາດ, ປະຕິບັດແຜນນະໂຍບາຍຂອງພັກ, ນະໂຍບາຍກົດໝາຍຂອງລັດໃຫ້ດີ, ຢູ່ໃນສິນ ກິນໃນທຳ.