ການນຳນະຄອນໂຮ່ຈິມິນຕ້ອນຮັບຄະນະຜູ້ແທນຂັ້ນສູງພັກກອມມູນິດກູບາ
ທ່ານ ເລຮ່ວາງກວນ ຕ້ອນຮັບທ່ານ Salvador Valdes Mesa
(ພາບ:Thanh Vũ – TTXVN)
(vovworld) – ຕອນບ່າຍວັນທີ 2/6, ທ່ານປະທານຄະນະກຳມະການປະຊາຊົນນະຄອນ ໂຮ່ຈິມິນ ເລຮ່ວາງກວນ ໄດ້ໃຫ້ການຕ້ອນຮັບຄະນະຜູ້ແທນຂັ້ນສູງພັກກອມມູນິດ ກູບາ ໂດຍທ່ານ Salvador Valdes Mesa , ຮອງປະທານສະພາແຫ່ງລັດກູບາ ເປັນຫົວໜ້າຄະນະ, ທີ່ພວມຢ້ຽມຢາມ ແລະ ເຮັດວຽກຢູ່ ຫວຽດນາມ. ທີ່ການຕ້ອນຮັບ, ທ່ານ ເລຮ່ວາງກວນ ຢືນຢັນວ່າ: ຫວຽດນາມ ແລະ ກູບາ ມີການພົວພັນທີ່ສັດຊື່, ບໍລິສຸດ, ຍາມໃດກໍສະຫງວນໃຫ້ກັນບັນດານ້ຳໃຈແບບພິເສດ ແລະສະແດງຄວາມເຊື່ອໝັ້ນວ່າ: ການຢ້ຽມຢາມຄັ້ງນີ້ຈະປະກອບສ່ວນຮັດແໜ້ນການພົວພັນລະຫວ່າງ 2 ປະເທດຍິ່ງກ່ວາອີກ. ນະຄອນໂຮ່ຈິມິນ ພ້ອມແລ້ວທີ່ຈະແລກປ່ຽນ ແລະ ແບ່ງປັນບົດຮຽນກັບ ກູບາ ກ່ຽວກັບວິວັດທະນາການກໍ່ສ້າງ ແລະ ພັດທະນານະຄອນ, ນັບທັງຂົງເຂດພັດທະນາເສດຖະກິດ ກໍຄືຄວາມໝັ້ນຄົງທາງດ້ານສັງຄົມ. ທ່ານ ເລຮ່ວາງກວນ ສະແດງຄວາມເຊື່ອໝັ້ນວ່າ: ໃນໄລຍະຈະມາເຖິງ 2 ປະເທດຈະສືບຕໍ່ເພີ່ມພູນຄູນສ້າງນ້ຳໃຈມິດຕະພາບອ້າຍນ້ອງ ຫວຽດນາມ-ກູບາ ໃຫ້ນັບມື້ນັບພັດທະນາ, ປະກອບສ່ວນຊຸກຍູ້ນ້ຳໃຈສາມັກຄີ, ມິດຕະພາບທີ່ເປັນມູນເຊື້ອ ແລະ ການຮ່ວມມືຮອບດ້ານລະຫວ່າງ 2 ປະເທດຍິ່ງກ່ວາອີກ.