ການນຳນະຄອນໂຮ່ຈີມິນຕ້ອນຮັບທີ່ປຶກສາຂັ້ນສູງຂອງລັດຖະມົນຕີການຕ່າງປະເທດອາເມລິກາ
ການນຳນະຄອນໂຮ່ຈີມິນຕ້ອນຮັບ
ທີ່ປຶກສາຂັ້ນສູງຂອງລັດຖະມົນຕີການຕ່າງປະເທດອາເມລິກາ
(ພາບ: TTXVN)
(vovworld) - ຕອນບ່າຍວັນທີ 8/3, ທ່ານ ດິງລາທັງ, ເລຂາຄະນະພັກນະຄອນ ໂຮ່ຈີມິນ ໄດ້ໃຫ້ການຕ້ອນຮັບທ່ານເອກອັກຄະລັດຖະທູດ David Thorne, ທີ່ປຶກສາຂັ້ນສູງຂອງລັດຖະມົນຕີວ່າການກະຊວງການຕ່າງປະເທດ ອາເມລິກາ ພ້ອມດ້ວຍຄະນະຜູ້ແທນນັກທຸລະກິດ ອາເມລິກາ ທີ່ພວມຢ້ຽມຢາມ ແລະ ເຮັດວຽກຢູ່ ຫວຽດນາມ. ທີ່ການຕ້ອນຮັບ, ທ່ານ ດິງລາທັງ, ເລຂາຄະນະພັກນະຄອນ ໂຮ່ຈີມິນ, ຖືວ່າ, ໃນຊຸມປີມໍ່ໆມານີ້, ພິເສດແມ່ນພາຍຫຼັງການຢ້ຽມຢາມ ອາເມລິກາຂອງທ່ານ ຫງວຽນຟູ໋ຈ້ອງ, ເລຂາທິການໃຫຍ່ ຄະນະບໍລິຫານງານສູນກາງພັກກອມມູນິດ ຫວຽດນາມ ເມື່ອເດືອນ 7/2015, ການພົວພັນຄູ່ຮ່ວມມືຮອບດ້ານ ຫວຽດນາມ - ອາເມລິກາ ນັບມື້ນັບແໜ້ນແຟ້ນກວ່າເກົ່າ. ສ່ວນທາງນະຄອນ ໂຮ່ຈີມິນ ຍາມໃດກໍ່ຖືເປັນສຳຄັນການຮ່ວມມືກັບບັນດາທ້ອງຖີ່ນ ກໍ່ຄືວິສາຫະກິດ ອາເມລິກາ. ສ່ວນທ່ານ David Thorne ກໍ່ໃຫ້ຮູ້ວ່າ, ການຢ້ຽມຢາມ ຫວຽດນາມຂອງຄະນະຄັ້ງນີ້, ແມ່ນເພື່ອເຊື່ອມຕໍ່ຫົວຄິດປະດິດສ້າງ, ສົ່ງເສີມນ້ຳໃຈດຳເນີນອາຊີບ ແລະ ສ້າງລະບົບຊີວະພາບດຳເນີນອາຊີບ. ແບ່ງປັນບົດຮຽນ, ວິທີປະຕິບັດຂົງເຂດນີ້ກັບ ຫວຽດນາມນາມໃຫ້ດີທີ່ສຸດ.