ທ່ານ ຫງວຽນແທ່ງຟອງ ຕ້ອນຮັບທ່ານ ຈັນສະໝອນ ຈັນຍາລາດ
(ພາບສຳນັກຂ່າວສານຫວຽດນາມ)
(vovworld) - ຕອນບ່າຍວັນທີ 21/06 ທ່ານ ຫງວຽນແທ່ງຟອງ ກຳມະການສູນກາງພັກ, ປະທານຄະນະກຳມະການປະຊາຊົນນະຄອນ ໂຮ່ຈີມິນ ໄດ້ໃຫ້ການຕ້ອນຮັບຄະນະຜູ້ແທນຂັ້ນສູງກະຊວງປ້ອງກັນປະເທດ ສປປ ລາວ ໂດຍທ່ານ ຈັນສະໝອນ ຈັນຍາລາດ ລັດຖະມົນຕີກະຊວງປ້ອງກັນປະເທດ ລາວ ນຳໜ້າ. ທ່ານ ຫງວຽນແທ່ງຟອງ ໃຫ້ຮູ້ວ່າ: ນະຄອນຍາມໃດກໍ່ນຳໜ້າໃນການຮ່ວມມື ແລະ ໜູນຊ່ວຍບັນດາທ້ອງຖິ່ນຂອງ ລາວ, ໃນນັ້ນມີນະຄອນຫລວງ ວຽງຈັນ, ແຂວງຈຳປາສັກ. ປະຈຸບັນ, ນະຄອນໄດ້ ແລະ ພວມຕັ້ງໜ້າຜັນຂະຫຍາຍບັນດາໂຄງການຄື: ໜູນຊ່ວຍດ້ານເຕັກນິກໃນການລ້ຽງງົວພັນຊີ້ນ, ສ້າງແຜນຮ່າງບຳລຸງຄວາມສາມາດໃນການຄຸ້ມຄອງງົບປະມານໃຫ້ນະຄອນຫລວງ ວຽງຈັນ…ບັນດາຄວາມມານະພະຍາບາມດັ່ງກ່າວຂອງນະຄອນ ໂຮ່ຈີມິນ ເພື່ອແນໃສ່ເຮັດໃຫ້ການພົວພັນມິດຕະພາບທີ່ເປັນມູນເຊື້ອລະຫວ່າງ 2 ປະເທດ ຫວຽດນາມ ແລະ ລາວ ມີຊີວິດຊີວາຕື່ມອີກ.