ການນຳນະຄອນໂຮ່ຈີມິນພົບປະກັບຜູ້ແທນອະນຸຊົນ3ປະເທດຫວຽດນາມ-ລາວ-ກຳປູເຈຍ
(ພາບປະກອບ)
(vovworld) - ຕອນຄ່ຳວັນທີ 28/07, ການນຳນະຄອນ ໂຮ່ຈີມິນ ມີການພົບປະກັບບັນດາຜູ້ແທນນ້ອງນ້ອຍອະນຸຊົນທີ່ດີເດັ່ນຂອງ 3 ປະເທດ ຫວຽດນາມ - ລາວ - ກຳປູເຈຍ. ນີ້ແມ່ນການເຄື່ອນໄຫວທີ່ນອນໃນລາຍການພົບປະແລກປ່ຽນນ້ອງນ້ອຍອະນຸຊົນສາກົນ ໂດຍຄະນະຊາວໜຸ່ມນະຄອນ ໂຮ່ຈີມິນ ຈັດຕັ້ງແຕ່ວັນທີ 28/07 – 01/08. ນະທີ່ນີ້, ທ່ານນາງ ຫວໍທິຢູງ ຮອງເລຂາຄະນະພັກນະຄອນ ໂຮ່ຈີມິນ ເນັ້ນໜັກວ່າ: ລາຍການພົບປະແລກປ່ຽນອະນຸຊົນສາກົນ ແມ່ນການເຄື່ອນໄຫວທີ່ມີຄວາມໝາຍ, ປະກອບສ່ວນເພີ່ມພູນຄູນສ້າງ, ຮັດແໜ້ນຄວາມສາມັກຄີ, ມິດຕະພາບລະຫວ່າງປະຊາຊົນ 3 ປະເທດກ່ວາອີກ. ການນຳນະຄອນ ໂຮ່ຈີມິນ ປາດຖະໜາວ່າ: ໃນລາຍການນີ້ ພວກນ້ອງນ້ອຍອະນຸຊົນຈະມີການເຂົ້າຮ່ວມທີ່ມີຜົນປະໂຫຍດຫລາຍຢ່າງ ແລະ ມີຄວາມປະທັບໃຈທີ່ດີຫລາຍຢ່າງ, ມີອະນຸສອນອັນດີງາມກ່ຽວກັບປະເທດຊາດ ແລະ ຊາວ ຫວຽດນາມ ເວົ້າລວມ ແລະ ນະຄອນ ໂຮ່ຈີມິນ ເວົ້າສະເພາະ.
ດ້ວຍຫົວຂໍ້ “ອ້ອມແຂນເພື່ອນມິດ”, ລາຍການພົບປະແລກປ່ຽນນ້ອງນ້ອຍອະນຸຊົນສາກົນ ມີການເຂົ້າຮ່ວມຂອງນ້ອງນ້ອຍອະນຸຊົນທີ່ດີເດັ່ນເກືອບ 180 ຄົນທີ່ມາຈາກ 3 ປະເທດ ຫວຽດນາມ - ລາວ - ກຳປູເຈຍ.