ການນຳນະຄອນໂຮ່ຈີມິນໄຫວ້ອາໄລອະດີດນາຍົກລັດຖະມົນຕີສິງກາໂປຫຼີກຸງຢູ
ທ່ານ ເລແທງຫາຍ, ເລຂາຄະນະພັກນະຄອນ ໂຮ່ຈີມິນ ເຂົ້າໄຫວ້ອາໄລທ່ານອະດີດນາຍົກລັດຖະມົນຕີ ສິງກາໂປ ຫຼີກຸງຢູ
(ພາບ: Thanh Vũ/TTXVN)
|
(vovworld) – ຕອນບ່າຍວັນທີ 23/3, ຄະນະການນຳນະຄອນ ໂຮ່ຈີມິນ ໂດຍທ່ານ ເລແທງຫາຍ, ເລຂາຄະນະພັກນະຄອນ ໂຮ່ຈີມິນ, ນຳໜ້າໄດ້ ເຂົ້າໄຫວ້ອາໄລທ່ານອະດີດນາຍົກລັດຖະມົນຕີ ສິງກາໂປ ຫຼີກຸງຢູ ຢູ່ສະຖານກົງສູນໃຫຍ່ ສິງກາໂປ ປະຈຳ ນະຄອນ ໂຮ່ຈີມິນ. ເມື່ອຈົດໃນປື້ມໄວ້ອາໄລອະດີດນາຍົກລັດຖະມົນຕີ ສິງກາໂປ ຫຼີກຸງຢູ, ທ່ານ ເລແທງຫາຍ ເນັ້ນໜັກວ່າ: ໂລກໄດ້ສູນເສຍການນຳທີ່ປີຊາສາມາດ, ບຸກຄົນທີ່ດີເດັ່ນຂອງ ອາຊີ, ປະເທດ ສິງກາໂປ ໄດ້ສູນເສຍການນຳຜູ້ທີ່ປິຊາສາມາດ ແລະ ມີວິໄສທັດອັນຍິ່ງໃຫຍ່. ຄະນະພັກ, ອຳນາດການປົກຄອງ ແລະ ປະຊາຊົນ ນະຄອນ ໂຮ່ຈີມິນ ໄດ້ສູນເສຍເພື່ອນມິດທີ່ສະໜິດສະໜົມ, ຜູ້ທີ່ເຂົ້າໃຈຢ່າງເລິກເຊິ່ງ ແລະ ມີຄວາມເອົາໃຈໃສ່ພິເສດເຖິງ ຫວຽດນາມ ເວົ້າລວມ, ນະຄອນ ໂຮ່ຈີມິນ ເວົ້າສະເພາະ. ທ່ານ ເລແທງຫາຍ ຢັ້ງຢືນວ່າ: ທ່ານ ອະດີດນາຍົກລັດຖະມົນຕີ ສິງກາໂປ ຫຼີກຸງຢູ ເຖິງແກ່ມໍລະນະກຳ ແມ່ນການເສຍຫາຍອັນໃຫຍ່ຫຼວງສຳລັບ ໂລກ, ເຊິ່ງແມ່ນການເສຍທີ່ບໍ່ມີສິ່ງໃດສາມາດທົດແທນໄດ້ຂອງລັດຖະບານ ແລະ ປະຊາຊົນ ສິງກາໂປ.
ແລະກໍ່ໃນວັນດຽວກັນ, ຄະນະການນຳບັນດາພະແນກ, ຂະແໜງການ, ຫົວໜ່ວຍ, ສ່ວນບຸກຄົນຂອງ ນະຄອນ ໂຮ່ຈີມິນ ກໍ່ຄືບັນດາບໍລິສັດ, ຊາວ ສິງກາໂປ ພວມດຳລົງຊີວິດ ແລະ ເຮັດວຽກຢູ່ທີ່ນີ້ໄດ້ເຂົ້າ ໄຫວ້ອາໄລ ອະດີດນາຍົກລັດຖະມົນຕີ ສິງກາໂປ ຫຼີກຸງຢູ ຢູ່ສະຖານກົງສູນໃຫຍ່ ສິງກາໂປ ປະຈຳ ນະຄອນ ໂຮ່ຈີມິນ.