(vovworld) - ຕອນຄໍ່າວັນທີ 12/07 (ຕາມເວລາຫວຽດນາມ), ການນຳຂອງ 19 ປະເທດ ສັງກັດເຂດນຳໃຊ້ສະກຸນເງິນລວມເອີລົບ (Eurozone) ໄດ້ຈັດກອງປະຊຸມຢູ່ບຮຸກແຊນ, ປະເທດແບນຊິກ ເພື່ອປຶກສາຫາລືກ່ຽວກັບເລື່ອງ ອາດສາມາດກູ້ຊ່ວຍເກຼັກ ຫຼຸດພົ້ນອອກຈາກວິກິດການໜີ້ສິນຄືປະຈຸບັນຫຼືບໍ່ ຫຼືວ່າໃຫ້ປະເທດນີ້ອອກຈາກ Eurozone. ນີ້ແມ່ນກອງປະຊຸມສຸດຍອດຄັ້ງທີ 3 ຂອງ Eurozone ປຶກສາຫາລືກ່ຽວກັບບັນຫາເກຼັກ ໃນ 2 ອາທິດຜ່ານມາ. ກ່າວຄຳເຫັນຕໍ່ວົງການນັກຂ່າວກ່ອນຈັດກອງປະຊຸມ, ທ່ານນາງນາຍົກລັດຖະມົນຕີເຢຍລະມັນ Angela Mekel ຖະແຫຼງວ່າ ຈະບໍ່ຍອມຮັບດ້ວຍທຸກສິ່ງທຸກຢ່າງ ເພື່ອບັນລຸໄດ້ຂໍ້ຕົກລົງກັບເກຼັກ. ຄຳຖະແຫຼງດັ່ງກ່າວຂອງການນຳເຢຍລະມັນ ໄດ້ເຮັດໃຫ້ການເຈລະຈາຄັ້ງນີ້ປະສົບກັບຄວາມຫຍຸ້ງຍາກຫຼາຍກວ່າ.
ກ່ອນໜ້ານັ້ນ, ທ່ານນາຍົກລັດຖະມົນຕີເກຼັກ Alexis Tsipras ຖະແຫຼງວ່າ, ທ່ານເຂົ້າຮ່ວມກອງປະຊຸມນີ້ດ້ວຍເຈດຕະນາດີທ້ວງມີການປະນິປະນອມ. ທ່ານຖະແຫຼງວ່າ, ອາດບັນລຸໄດ້ຂໍ້ຕົກລົງໃນຄໍ່າຄືນວັນທີ 12/07, ຖ້າຫາກທຸກຝ່າຍລ້ວນແຕ່ມີຄວາມຫວັງຢາກໄດ້.