ທ່ານ ຫງວຽນທ້ຽນເຍີນລົງຢ້ຽມຢາມ ແລະ ສົ່ງພອນໄຊອັນປະເສີດ
ທີ່ສຸດເຖິງ ພະມະຫາອາຈານ ທີກໂຟເຕ້
(ພາບອິນເຕີແນັດ)
(vovworld) - ເນື່ອງໃນໂອກາດບຸນເຕັດປີລະກາ 2017, ຕອນເຊົ້າວັນທີ 24/01 ທ່ານ ຫງວຽນທ້ຽນເຍີນ ກຳມະການກົມການເມືອງ, ປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ໄດ້ລົງຢ້ຽມຢາມ ແລະ ສົ່ງພອນໄຊອັນປະເສີດທີ່ສຸດເຖິງ ພະມະຫາອາຈານ ທີກໂຟເຕ້ ປະທານສະມາຄົມພຸດທະສາສະໜາ ຫວຽດນາມ ພ້ອມດ້ວຍບັນດາຜູ້ມີຍົດຖາບັນດາສັກການນຳສະພາສົງ ແລະ ສະພາບໍລິຫານສະມາຄົມພຸດທະສາສະໜາຢູ່ວັດ ວຽນມິງ ຕາແສງ ກວາງຫລາງ, ເມືອງ ຟູ໋ຊວຽນ ນະຄອນ ຮ່າໂນ້ຍ. ທ່ານ ຫງວຽນທ້ຽນເຍີນ ສົ່ງຄຳອວຍພອນເຖິງ ສະພາສົງ, ສະພາບໍລິຫານສູນກາງ ສະມາຄົມພຸດທະສາສະໜາ ຫວຽດນາມ ແລະ ພຸດທະສາສະນິກກະຊົນໃນທົ່ວປະເທດ ພ້ອມທັງເຊື່ອໝັ້ນວ່າ ສະມາຄົມພຸດທະສາສະໜາ ຫວຽດນາມ ຈະສືບຕໍ່ຮັກສາ, ເສີມຂະຫຍາຍມູນເຊື້ອອັນດີງາມ, ເຂົ້າຮ່ວມ ໃນບັນດາຂະບວນການແຂ່ງຂັນຮັກຊາດ ໂດຍຄະນະກຳມະການສູນກາງແນວໂຮມປະເທດຊາດ ຫວຽດນາມ ປຸກລະດົມຢ່າງຕັ້ງໜ້າ; ປະກອບສ່ວນຢ່າງແທດຈິງເຂົ້າໃນການປັບປຸງ, ເພີ່ມທະວີກຳລັງແຮງມະຫາສາມັກຄີທົ່ວປວງຊົນທັງຊາດ, ເພື່ອຄວາມຮັ່ງມີຂອງປະຊາຊົນ, ປະເທດຊາດເຂັ້ມແຂງ, ປະຊາທິປະໄຕ, ຍຸຕິທຳ, ສີວິໄລ.
ແລະກໍ່ໃນຕອນເຊົ້າວັນດຽວກັນ, ທ່ານນາງຮອງປະທານຜູ້ປະຈຳການສະພາແຫ່ງຊາດ ຕ່ອງທິຟ໋ອງ ພ້ອມດ້ວຍຄະນະປະຕິບັດງານໄດ້ລົງຢ້ຽມຢາມ ແລະ ອວຍພອນບຸນເຕັດບັນດາອະດີດພະນັກງານ ເຊິ່ງແມ່ນການນຳແຂວງ, ນັກປະຕິວັດຜູ້ອາວຸດໂສແຂວງ ເຊີນລາ. ເພື່ອສະແດງຄວາມຮູ້ບຸນຄຸນຕໍ່ການປະກອບສ່ວນຂອງບັນດາຄອບຄົວໃນພາລະກິດສ້າງສາ, ປົກປັກຮັກສາບ້ານເກີດເມືອງນອນ, ປະເທດຊາດ, ທ່ານນາງ ຕ່ອງທິຟ໋ອງ ປາດຖະໜາວ່າ ລຸ້ນໜຸ່ມຂອງບັນດາຄອບຄົວຈະສືບທອດມູນເຊື້ອປະຕິວັດຂອງລຸ້ນພໍ່ຕໍ່ລຸ້ນອ້າຍ, ອວຍພອນໃຫ້ບັນດາຄອບຄົວຕ້ອນຮັບບຸນເຕັດເຕັມໄປດ້ວຍຄວາມຜາສຸກ, ເບີກບານມ່ວນຊື່ນ ແລະ ອົບອຸ່ນ.