ທີ່ການຕ້ອນຮັບ, ທ່ານນາງຮອງປະທານສະພາແຫ່ງຊາດ ຕ່ອງທິຟອງ ຢືນຢັນ: ການຢ້ຽມຢາມ ແລະ ເຮັດວຽກຢູ່ ລາວ ຂອງຄະນະຜູ້ແທນຂັ້ນສູງສະພາແຫ່ງຊາດຫວຽດນາມ ຄັ້ງນີ້ ເປັນການສະແດງໃຫ້ເຫັນຄວາມຕັດສິນໃຈຂອງສະພາແຫ່ງຊາດຫວຽດນາມ ປາດຖະຫນາຢາກປະກອບສ່ວນປັບປຸງການພົວພັນທີ່ເປັນມູນເຊື້ອຍາວນານ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງສອງພັກ, ສອງລັດ ແລະ ປະຊາຊົນສອງປະເທດ ຫວຽດນາມ - ລາວເວົ້າລວມ ກໍຄືຊຸກຍູ້ການພົວພັນຮ່ວມມືອັນດີງາມ ແລະ ຮອບດ້ານລະຫວ່າງສອງອົງການສ້າງກົດໝາຍສອງປະເທດເວົ້າສະເພາະ. ທ່ານນາງຮອງປະທານສະພາແຫ່ງຊາດ ຕ່ອງທິຟອງ ສະແດງຄວາມຂອບອົກຂອບໃຈ ລັດຖະບານລາວ ໃນໄລຍະຜ່ານມາໄດ້ແກ້ໄຂບັນດາຄວາມຫຍຸ້ງຍາກ, ຂໍ້ຕິດຄັດຢ່າງທັນການເພື່ອສ້າງເງື່ອນໄຂສະດວກໃຫ້ບັນດາວິສາຫະກິດ ຫວຽດນາມໃນວິວັດການລົງທຶນຢູ່ລາວ ແລະ ສືບຕໍ່ເອົາໃຈໃສ່, ຊ່ວຍເຫລືອປະຊາຄົມຊາວຫວຽດນາມ ດຳລົງຊີວິດ, ຮ່ຳຮຽນ ແລະ ເຮັດວຽກຢູ່ລາວ. ທ່ານເລຂາທິການໃຫຍ່ ປະທານປະເທດລາວ ບຸນຍັງ ວໍລະຈິດ ແລະ ທ່ານນາຍົກລັດຖະມົນຕີ ລາວ ທອງລຸນ ສີສຸລິດ ມີຄວາມເຊື່ອໝັ້ນວ່າ ການຢ້ຽມຢາມ ແລະ ແລກປ່ຽນບົດຮຽນຄັ້ງນີ້ ຂອງຄະນະຈະປະກອບສ່ວນສຳຄັນຊ່ວຍເພີ່ມທະວີການພົວພັນມິດຕະພາບທີ່ເປັນມູນເຊື້ອຂອງສອງພັກ, ສອງລັດ ແລະ ປະຊາຊົນສອງປະເທດນັບມື້ນັບພັດທະນາ ແລະ ມີປະສິດທິຜົນ.