(vovworld) - ຕອນເຊົ້າວັນທີ 10/11, ຢູ່ສຳນັກງານສະພາແຫ່ງຊາດ, ທ່ານປະທານສະພາແຫ່ງຊາດ Nguyen Sinh Hung ໄດ້ໃຫ້ການຕ້ອນຮັບທ່ານ Mahmoud Ahmadinejad, ປະທານາທິບໍດີ ສ.ອີຣານ ທີ່ພວມຢູ່ຢ້ຽມຢາມຫວຽດນາມ ຢ່າງເປັນທາງການ. ທີ່ການຕ້ອນຮັບ, ທ່ານປະທານສະພາແຫ່ງຊາດ Nguyen Sinh Hung ຂໍ່ານັບເຊົມເຊີຍທ່ານປະທານາທິບໍດີ Mahmoud Ahmadinejad ມາຢ້ຽມຢາມຫວຽດນາມ; ເຊື່ອໝັ້ນວ່າ ການຢ້ຽມຢາມຄັ້ງນີ້ຈະປະກອບສ່ວນສຳຄັນເຂົ້າໃນການເພີ່ມທະວີການພົວພັນຮ່ວມມືລະຫວ່າງສອງປະເທດກວ່າອີກ. ທ່ານປະທານສະພາແຫ່ງຊາດໄດ້ຕີລາຄາສູງໝາກຜົນການໂອ້ລົມສົນທະນາ, ເຈລະຈາຂອງທ່ານປະທານາທິບໍດີອີຣານ ກັບການນຳຂັ້ນສູງພັກ, ລັດ ແລະ ລັດຖະບານຫວຽດນາມ; ຢືນຢັນວ່າ ຫວຽດນາມ ແລະ ອີຣານ ມີສາຍພົວພັນທີ່ເປັນມູນເຊື້ອມາແຕ່ດົນນານ. ຍາມໃດຫວຽດນາມ ກໍຖືເປັນສຳຄັນ ແລະ ມານະພະຍາຍາມຍູ້ແຮງການພົວພັນມິດຕະພາບທີ່ເປັນມູນເຊື້ອກັບອີຣານ.
ກ່ອນໜ້ານັ້ນ, ຕອນບ່າຍວັນທີ 9/11, ຢູ່ສຳນັກງານສູນກາງພັກ, ທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ Nguyen Phu Trong ໄດ້ໃຫ້ການຕ້ອນຮັບທ່ານປະທານາທິບໍດີອີຣານ Mahmoud Ahmadinejad. ທ່ານເລຂາທິການໃຫຍ່ Nguyen Phu Trong ຊົມເຊີຍທ່ານປະທານາທິບໍດີອີຣານ ມາຢ້ຽມຢາມຫວຽດນາມ, ຕີລາຄາສູງບັນດາຜົນງານເຊິ່ງປະຊາຊົນອີຣານ ບັນລຸໄດ້ ໃນວິວັດການສ້າງສາ ແລະ ພັດທະນາປະເທດຊາດ. ທ່ານເລຂາທິການໃຫຍ່ ໄດ້ແຈ້ງໃຫ້ທ່ານປະທານນາທິບໍດີອີຣານ ຊາບບາງຈຸດກ່ຽວກັບສະພາບການຂອງຫວຽດນາມ ແລະ ນະໂຍບາຍການຕ່າງປະເທດຂອງຫວຽດນາມ, ພ້ອມທັງສະແດງຄວາມເພຶງພໍໃຈຕໍ່ການພັດທະນາການພົວພັນລະຫວ້າງສອງປະເທດໃນໄລຍະຜ່ານມາ, ປາດຖະໜາວ່າສອງປະເທດຈະສືບຕໍ່ແລກປ່ຽນຄະນະຜູ້ແທນທຸກຂັ້ນ, ຊຸກຍູ້ການຮ່ວມມືດ້ານເສດຖະກິດ - ການຄ້າ ແລະ ບັນດາຂົງເຂດອື່ນໆອີກ, ເປີດກວ້າງບັນດາການເຄື່ອນໄຫວຮ່ວມມືດ້ານວັດທະນະທຳ, ການສືກສາ ເພື່ອເພີ່ມຄວາມເຂົ້າໃຈເຊິ່ງກັນ ແລະ ກັນ, ສ້າງເງື່ອນໄຂເພື່ອພັດທະນາການພົວພັນລະຫວ່າງສອງປະເທດ.
ແລະກໍໃນຕອນບ່າຍວັນດຽວກັນ, ທ່ານນາຍົກລັດຖະມົນຕີ Nguyen Tan Dung ໄດ້ມີການພົບປະເຈລະຈາກັບທ່ານປະທານາທິບໍດີອີຣານ. ທ່ານນາຍົກລັດຖະມົນຕີ ຢືນຢັນວ່າ ຍາມໃດຫວຽດນາມ ກໍຖືການພັດທະນາການພົວພັນຮ່ວມມືມິດຕະພາບກັບອີຣານເປັນສຳຄັນ ແລະ ຈະມານະພະຍາຍາມເພື່ອພ້ອມກັບອີຣານ ເພີ່ມທະວີ ແລະ ຊຸກຍູ້ການພົວພັນຮ່ວມມືລະຫວ່າງສອງປະເທດກວ່າອີກ.