ທ່ານ Yasuo Ogata, ຮອງປະທານພັກອມມູນິດ ຍີ່ປຸ່ນ
|
(vovworld) – ເນື່ອງໃນໂອກາດກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 12 ພັກກອມມູນິດ ຫວຽດນາມ, ຈະໄດ້ຮັບການຈັດຕັ້ງແຕ່ວັນທີ 20 – 28/1, ຢູ່ຮ່າໂນ້ຍ, ຄະນະບໍລິຫານງານສູນກາງພັກກອມມູນິດ ຍີ່ປຸ່ນ ໄດ້ສົ່ງໂທລະເລກອວຍພອນ ແລະ ສະແດງຄວາມສາມັກຄີມາຍັງກອງປະຊຸມໃຫຍ່. ເມື່ອຕອບຄຳຖາມຂອງນັກຂ່າວສຳນັກຂ່າວສານ ຫວຽດນາມ ປະຈຳ ຍີ່ປຸ່ນ, ທ່ານ Yasuo Ogata, ຮອງປະທານພັກອມມູນິດ ຍີ່ປຸ່ນ, ອະດີດສະມາຊິກສະພາສູງ, ຢັ້ງຢືນວ່າ: ພາຍໃຕ້ການນຳພາທີ່ສະຫລາດສ່ອງໃສຂອງພັກກອມມູນິດ ຫວຽດນາມ, ຫວຽດນາມ ບັນລຸໄດ້ຜົນງານຫຼາຍຢ່າງ. ຫວຽດນາມ ຈາກປະເທດທຸກຍາກໄດ້ບືນຕົວຂຶ້ນກາຍເປັນປະເທດມີລາຍຮັບປານກາງ. ຫວຽດນາມ ໄດ້ຮັບຕຳແໜ່ງແມ່ນສະມາຊິກບໍ່ປະຈຳຂອງສະພາຄວາມໝັ້ນຄົງ ສປຊ ແລະ ໄດ້ຮັບການຕີລາຄາຢ່າງຕັ້ງໜ້າໃນຖານະບົດບາດນີ້. ຫວຽດນາມ ຍັງແມ່ນປະເທດສະມາຊິກເຄື່ອນໄຫວຕັ້ງໜ້າໃນ ອາຊຽນ. ພັກກອມມູນິດ ຍີ່ປຸ່ນ ເຊື່ອໝັ້ນວ່າ: ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 12 ຂອງພັກກອມມູນິດ ຫວຽດນາມ ຍົກອອກນະໂຍບາຍໃໝ່, ເພື່ອແນໃສ່ນຳປະເທດສືບຕໍ່ພັດທະນາໃນອະນາຄົດ ແລະ ສວມບົດບາດນັບມື້ນັບໃຫຍ່ຫຼວງກ່ວາໃນເວທີສາກົນ.