ທ່ານຮອງນາຍົກລັດຖະມົນຕີ ຫງວຽນຊວນຟຸກ ພ້ອມກັບຄະນະ
ສສຊ ແຂວງ ກວາງນາມ ໄດ້ພົບປະກັບ ຜູ້ມີສິດເລືອກຕັ້ງເມືອງ ນີງຟູ໋
(ພາບ: VGP/Hồng Hạnh)
|
(vovworld) - ໂດຍປະຕິບັດການເຄື່ອນໄຫວພົບປະກັບຜູ້ມີສິດເລືອກຕັ້ງກ່ອນທີ່ຈັດຕັ້ງກອງປະຊຸມສະໄໝສາມັນເທື່ອທີ 9, ສະພາແຫ່ງຊາດຊຸດທີ 13, ຕອນເຊົ້າວັນທີ 9/5, ທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ ຫງວຽນຟູ໋ຈ້ອງ ແລະ ຄະນະສະມາຊິກສະພາແຫ່ງຊາດ (ສສຊ) ນະຄອນ ຮ່າໂນ້ຍ, ຫົວໜ່ວຍເລືອກຕັ້ງທີ 1, ໄດ້ພົບປະກັບຜູ້ມີສິດເລືອກຕັ້ງເມືອງ ບາດິ່ງ. ທີ່ການພົບປະ, ບັນດາ ຜູ້ມີສິດເລືອກຕັ້ງສະແດງຄວາມເຫັນດີເຫັນພ້ອມກັບບັນດາເນື້ອໃນຂອງກອງປະຊຸມຄະນະບໍລິຫານງານສູນກາງພັກກອມມູນິດຫວຽດນາມ ຄັ້ງທີ 11 ປຶກສາຫາລືກ່ຽວກັບມາດຖານຂອງກຳມະການສູນກາງພັກ, ກົມການເມືອງ ແລະ ຄະນະເລຂາ, ເຊື່ອໝັ້ນວ່າກອງປະຊຸມໃຫຍ່ຄັ້ງທີ 12 ຂອງພັກຈະເລືອກເຟັ້ນໄດ້ຄະນະບໍລິຫານງານສູນກາງທີ່ດີເພື່ອນຳພາປະເທດໃນຊຸມປີຕໍ່ໄປ.
ວັນທີ 9/5, ທ່ານຮອງນາຍົກລັດຖະມົນຕີ ຫງວຽນຊວນຟຸກ ພ້ອມກັບຄະນະ ສສຊ ແຂວງ ກວາງນາມ ໄດ້ພົບປະກັບ ຜູ້ມີສິດເລືອກຕັ້ງເມືອງ ນີງຟູ໋. ບັນດາຜູ້ມີສິດເລືອກຕັ້ງ ກວາງນາມ ໄດ້ຕີລາຄາສູງການເຄື່ອນໄຫວຂອງສະພາແຫ່ງຊາດ, ພ້ອມທັງຫວັງວ່າສະພາແຫ່ງຊາດຈະເພີ່ມທະວີພາລະໜ້າທີ່ຕິດຕາມກວດກາກ່ວາອີກ, ພິເສດແມ່ນສຳລັບບັນດາບັນຫາສຳຄັນຂອງປະເທດຊາດ, ບັນຫາໜູນຊ່ວຍສັງຄົມ… ກ່າວຄຳເຫັນທີ່ການພົບປະ, ທ່ານຮອງນາຍົກລັດຖະມົນຕີ ຫງວຽນຊວນຟຸກ ຂອບອົບຂອບໃຈ ຜູ້ມີສິດເລືອກຕັ້ງມີຫຼາຍຄຳເຫັນສຸດຈິດສຸດໃຈ, ພຸມປັນຍາ ແລະ ແທດຈິງ, ສຸມໃສ່ເຂົ້າໃນເນື້ອໃນ, ລາຍການຂອງກອງປະຊຸມຈະມາເຖິງ.
ທີ່ການພົບປະກັບຜູ້ມີສິດເລືອກຕັ້ງ ເທດສະບານເມືອງ ຫວູທື, ເມືອງ ຫວູທື, ແຂວງ ທ໋າຍບີ່ງ, ທ່ານຮອງນາຍົກລັດຖະມົນຕີ ຮ່ວາງຈູງຫາຍ ໄດ້ປະກາດບາງບັນຫາເສດຖະກິດ - ສັງຄົມຂອງທົ່ວປະເທດທີ່ພົ້ນເດັ່ນໃນໄລຍະຜ່ານມາ. ທ່ານຮອງນາຍົກລັດຖະມົນຕີ ຕີລາຄາສູງບັນດາໝາກຜົນບັນລຸໄດ້ໃນໄລຍະກໍ່ສ້າງຊົນນະບົດໃໝ່ຢູ່ແຂວງ ທ໋າຍບີ່ງ. ທີ່ການພົບປະ, ທ່ານຫົວໜ້າຫ້ອງວ່າການສະພາແຫ່ງຊາດ ຫງວຽນແຫ້ງຟຸກ ປະກາດຜູ້ມີສິດເລືອກຕັ້ງຊາບເນື້ອໃນລາຍການເຮັດວຽກຂອງກອງປະຊຸມສະໄໝສາມັນເທື່ອທີ 9, ສະພາແຫ່ງຊາດຊຸດທີ 13 ຄາດວ່າຈະຈັດຕັ້ງໃນວັນທີ 20/5 ຫາວັນທີ 26/6/2015.