ການນຳລັດເຊຍ,ປາແລດສະຕິນປຶກສາຫາລືສະພາບການຢູ່ຕາເວັນອອກກາງ
(VOVWORLD) -ວັນທີ 14 ກໍລະກົດ, ທ່ານປະທານາທິບໍດີລັດເຊຍ Vladimir Putin ໄດ້ມີການໂອ້ລົມສົນທະນາກັບທ່ານປະທານາທິບໍດີປາແລດສະຕິນ Mahmoud Abbas ຢູ່ວັງ Kremlin, ພາຍຫຼັງການນຳລັດເຊຍ ຕ້ອນຮັບທ່ານນາຍົກລັດຖະມົນຕີອິດສະຣາແອນ Benjamin Netanyahu ພຽງ 2 – 3 ວັນເທົ່ານັ້ນ.
|
 ທ່ານປະທານາທິບໍດີລັດເຊຍ Vladimir Putin ແລະ ທ່ານປະທານາທິບໍດີປາແລດສະຕິນ Mahmoud Abbas
(ພາບ: TASS)
|
ກ່າວຄຳເຫັນທີ່ການພົບປະ, ທ່ານປະທານາທິບໍດີ Putin ສະແດງຄວາມປິຕິຊົມຊື່ນເມື່ອໄດ້ຮັບການຕ້ອນຮັບທ່ານປະທານາທິບໍດີ Abbas ຢ້ຽມຢາມລັດເຊຍ ເນື່ອງໃນໂອກາດງານມະຫາກຳກິລາ World Cup 2018 ພວມດຳເນີນຢູ່ປະເທດນີ້, ກໍຄືກ່ຽວກັບກາລະໂອກາດປຶກສາຫາລືກັບການນຳປາແລດສະຕິນ ກ່ຽວກັບບັນດາບັນຫາໃນພາກພື້ນ.
ສ່ວນທ່ານປະທານາທິບໍດີ Abbas ເນັ້ນໜັກເຖິງຄວາມວິຕົກກັງວົນຂອງທ່ານກ່ຽວກັບຂໍ້ຕົກລົງຂອງທ່ານປະທານາທິບໍດີອາເມລິກາ Donald Trump ທີ່ໄດ້ຍົກຍ້າຍສະຖານທູດອາເມລິກາ ໄປຕັ້ງຢູ່ ເຢຣູຊາແລມ, ກໍຄືບັນດາການເຄື່ອນໄຫວຕັ້ງຖິ່ນຖານຄົງທີ່ຂອງອິດສະຣາແອນ. ທ່ານປະທານາທິບໍດີປາແລດສະຕິນ ຊີ້ແຈ້ງວ່າ “ພວກຂ້າພະເຈົ້າຄັດຄ້ານບັນດາແນວຄວາມຄິດຂອງອາເມລິກາ ທີ່ຈັດວາງຂໍ້ຕົກລົງຂອງເຂົາເຈົ້າຕໍ່ບັນດາບັນຫາສະດຸ້ງໄວທີ່ສຸດສຳລັບປາແລດສະຕິນ”