ການນຳຫວຽດນາມ ຕ້ອນຮັບ ທ່ານອະດີດນາຍົກ ລັດຖະມົນຕີສິງກະໂປ Goh Chok Tong
(ທ່ານເລຂາທິການໃຫຍ່ ຫງວຽນຟູ໋ຈ້ອງ ຕ້ອນຮັບ
ທ່ານອະດີດນາຍົກລັດຖະມົນຕີສິງກະໂປ Goh Chok Tong)
(vovworld) -ຕອນເຊົ້າວັນທີ 24/9, ທ່ານປະທານປະເທດເຈືອງເຕີນຊາງຕ້ອນຮັບອະດີດນາຍົກລັດຖະມົນຕີສິງກະໂປ. ທີ່ການຕ້ອນຮັບ, ທ່ານ Goh Chok Tong ອະດີດນາຍົກລັດຖະມົນຕີ ສິງກະໂປ ຕີລາຄາສູງສາຍພົວພັນຍຸດທະສາດລະຫວ່າງສອງປະເທດ ຫວຽດນາມ ແລະ ສິງກະໂປ. ທ່ານອະດີດນາຍົກລັດຖະມົນຕີ ສິງກະໂປ Goh Chok Tong ຢືນຢັນ: ສິງກະໂປ ພ້ອມແລ້ວແບ່ງປັນບົດຮຽນ ແລະ ຫນູນຊ່ວຍຫວຽດນາມ ໃນບັນດາຂົງເຂດຄື: ພັດທະນາລະບົບທະນາຄານ, ໄດ້ຮັບການກູ້ຢືມທຶນເພື່ອພັດທະນາພື້ນຖານໂຄງລ່າງ, ຍົກສູງຄຸນນະພາບແຫລ່ງຊັບພະຍາກອນມະນຸດ.. ແລະ ປາດຖະຫນາຢາກໃຫ້ ຫວຽດນາມ ນັບມື້ນັບພັດທະນາ. ທ່ານອະດີດນາຍົກລັດຖະມົນຕີ Goh Chok Tong ຮັບຮູ້ວ່າ: ການພັດທະນາຂອງຫວຽດນາມ ແລະ ສິງກະໂປ ຈະປະກອບສ່ວນສຳຄັນເຂົ້າໃນການສ້າງປະຊາຄົມເສດຖະກິດ ອາຊຽນ. ທ່ານປະທານປະເທດ ເຈືອງເຕີນຊາງຖືວ່າ: ຄຳສະເຫນີ ຂອງສິງກະໂປໃນການຫນູນຊ່ວຍແຫລ່ງທຶນ, ຍົກສູງລະບົບທະນາຄານ, ແຫລ່ງຊັບພະຍາກອນມະນຸດ.. ແມ່ນເໝາະສົມກັບເງື່ອນໄຂຂອງຫວຽດນາມ ປະຈຸບັນ. ເນື່ອງໃນໂອກາດນີ້, ທ່ານປະທານປະເທດ ເຈືອງເຕີນຊາງ ປາດຖະຫນາຢາກສອງຝ່າຍສືບຕໍ່ບັນດາການຢ້ຽມຢາມ ແລະ ພົບປະແລກປ່ຽນ, ນຳການພົວພັນຄູ່ຮ່ວມມືຍຸດທະສາດລະຫວ່າງສອງປະເທດນັບມື້ນັບ ເຂົ້າສູ່ລວງເລິກ, ແທດຈິງ ແລະ ມີປະສິດທິຜົນ.
ກ່ອນຫນ້ານັ້ນ, ວັນທີ 23/9, ທີ່ສໍານັກງານສູນກາງພັກ, ທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ຫງວຽນຟູ໋ຈ້ອງ ໄດ້ໃຫ້ການຕ້ອນຮັບທ່ານອະດີດນາຍົກລັດຖະມົນຕີສິງກະໂປ Goh Chok Tong ພວມຢູ່ຢ້ຽມຢາມ ຫວຽດນາມ. ນະທີ່ນີ້, ທ່ານ Goh Chok Tong ຢັ້ງຢືນວ່າ: ສິງກະໂປພ້ອມແລ້ວທີ່ຈະແບ່ງປັນບົດຮຽນ ແລະ ໜູນຊ່ວຍຫວຽດນາມໃນບັນດາຂົງເຂດເຊິ່ງຫວຽດນາມສົນໃຈ, ເຊິ່ງລວມມີ: ການພັດທະນາພື້ນຖານໂຄງລ່າງ, ພິເສດແມ່ນໂຄງລ່າງຄົມມະນາຄົມ; ບຳລຸງສ້າງແຫຼ່ງຊັບພະຍາກອນມະນຸດ; ຊອກຫາແຫຼ່ງການເງິນໃຫ້ບັນດາໂຄງການພັດທະນາຂອງ ຫວຽດນາມ. ພ້ອມທັງປາດຖະໜາວ່າ ຫວຽດນາມ ນັບມື້ນັບພັດທະນາ, ການພັດທະນາຂອງ ຫວຽດນາມ ຈະປະກອບສ່ວນສຳຄັນໃນການພັດທະນາ ແລະ ຄວາມໝັ້ນຄົງເຂັ້ມແຂງຂອງ ອາຊຽນ ກໍ່ຄືຂອງ ສິງກະໂປ. ທ່ານເລຂາທິການໃຫຍ່ ຫງວຽນຟູ໋ຈ້ອງ ຢືນຢັນວ່າ: ຫວຽດນາມຖືເປັນສຳຄັນ ແລະ ສະຫງວນບຸລິມະສິດສູງໃຫ້ແກ່ການພັດທະນາສາຍພົວພັນ ກັບສິງກະໂປ; ສະເໜີໃຫ້ 2 ຝ່າຍສືບຕໍ່ຮັກສາບັນດາການຢ້ຽມຢາມ ແລະ ການພົບປະຂັ້ນສູງ ກໍ່ຄືທຸກຂັ້ນ, ເປີດກ້ວາງການຮ່ວມມືໃນທຸກຂົງເຂດ, ພິເສດແມ່ນດ້ານການຄ້າ-ການລົງທຶນ, ການສຶກສາ-ບຳລຸງສ້າງ, ນຳການພົວພັນຄູ່ຮ່ວມມືຍຸດທະສາດ ລະຫວ່າງ 2 ປະເທດໃຫ້ນັບມື້ນັບເລິກເຊິ່ງ, ແທດຈິງ, ມີປະສິດທິຜົນກ່ວາອີກໃນທຸກຂົງເຂດ ໃນນັ້ນມີການພົວພັນລະຫວ່າງສອງພັກ, ການພົວພັນແລກປ່ຽນປະຊາຊົນ.
ທ່ານນາຍົກລັດຖະມົນຕີ ຫງວຽນເຕີນຢຸງ ຕ້ອນຮັບ
ທ່ານອະດີດນາຍົກລັດຖະມົນຕີສິງກະໂປ Goh Chok Tong
(ພາບ: VGP)
ທີ່ການຕ້ອນຮັບດຳເນີນໄປໃນຕອນຄໍ່າວັນທີ 23/09, ຢູ່ຮ່າໂນ້ຍ, ທ່ານນາຍົກລັດຖະມົນຕີ ຫງວຽນເຕີນຢຸງ ຖືວ່າ ການຢ້ຽມຢາມ ແລະ ເຮັດວຽກຢູ່ຫວຽດນາມ ຂອງທ່ານອະດີດນາຍົກລັດຖະມົນຕີສິງກະໂປ Goh Chok Tong ແມ່ນປະກົດການທີ່ມີຊີສິດຊີວາຂອງການພົວພັນຄູ່ຮ່ວມມືຍຸດທະ ສາດລະຫວ່າງຫວຽດນາມ - ສິງກະໂປ. ທ່ານນາຍົກລັດຖະມົນຕີສະແດງຄວາມເບີກບານມ່ວນຊື່ນຕໍ່ໜ້າຜົນງານອັນດີງາມ ທີ່ບັນລຸໄດ້ໃນການພົວພັນຄູ່ຮ່ວມມືຍຸດທະສາດຫວຽດນາມ - ສິງກະໂປ ໃນໄລຍະຜ່ານມາ, ຕາມນັ້ນແລ້ວ, 2 ຝ່າຍໄດ້ຕັ້ງໜ້າຊຸກຍູ້ການຮ່ວມມືໃນຫຼາຍຂົງເຂດ, ກໍ່ຄືມີທັດສະນະດຽວກັນ, ຫຼັກໝັ້ນເໝາະສົມກັບບັນຫາທະເລຕາເວັນອອກ. ທ່ານນາຍົກລັດຖະມົນຕີ ຫງວຽນເຕີນຢຸງ ປາດຖະໜາວ່າ 2 ປະເທດຈະສືບຕໍ່ຮັກສາ ແລະ ເພີ່ມທະວີການພົວພັນ 2 ຝ່າຍໃນທຸກຂົງເຂດ. ທ່ານອະດີດນາຍົກລັດຖະມົນຕີ Goh Chok Tong ປາດຖະໜາວ່າ 2 ປະເທດຈະຍູ້ແຮງການຮ່ວມມືກ່ວາອີກໃນຂົງເຂດທະນາຄານເພື່ອໃຫ້ ຫວຽດນາມ ສະມາດລະດົມແຫຼ່ງທຶນຈາກບັນດາກອງທຶນລົງທຶນສາກົນຢູ່ສິງກະໂປ ເພື່ອແນໃສ່ພັດທະນາພື້ນຖານໂຄງລ່າງ. ທ່ານອະດີດນາຍົກລັດຖະມົນຕີ Goh Chok Tong ກໍ່ປາດຖະໜາວ່າ 2 ຝ່າຍສືບຕໍ່ຊຸກຍູ້ບັນດາການເຄື່ອນໄຫວຮ່ວມມືດ້ານການບິນ, ການສຶກສາ, ທ່ອງທ່ຽວ… ຕີລາຄາສູງບັນດາຂໍ້ສະເໜີຂອງທ່ານອະດີດນາຍົກລັດຖະມົນຕີ Goh Chok Tong, ທ່ານນາຍົກລັດຖະມົນຕີ ຫງວຽນເຕີນຢຸງ ສະເໜີ ພາຍຫຼັງການພົບປະຄັ້ງນີ້, ການນຳບັນດາກະຊວງ, ຂະແໜງການ 2 ປະເທດຈະປຶກສາກາລືໂດຍໄວ ເພື່ອໃຫ້ຫວຽດນາມ ສາມາດສຳພັດກັບຕະຫຼາດທຶນຂອງສິງກະໂປ ໃຫ້ແກ່ການພັດທະນາພື້ນຖານໂຄງລ່າງ, ການບິນ, ການສຶກສາ, ທ່ອງທ່ຽວ… ນອກຈາກນັ້ນ, ຫວຽດນາມ ກໍ່ປາດຖະໜາ ສືບຕໍ່ຮ່ວມມືກັບສິງກະໂປ ເພື່ອຊຸກຍູ້ການເຈລິຈາສັນຍາການຄ້າຂ້າມປາຊີຝິກ (TPP).