ການນຳອາເມລິກາ, ອັງກິດ ປຶກສາຫາລື ບັນດາບັນຫາສາກົນ
ການນຳອັງກິດ - ອາເມລິກາ ທີ່ການປະຊຸມຂ່າວ
(ພາບ: AP)
|
(vovworld) - ວັນທີ 15/3, ຕາມເວລາທ້ອງຖິ່ນ, ທ່ານປະທານາທິບໍດີ ອາເມລິກາ Barak Obama ໃຫ້ການຕ້ອນຮັບທ່ານນາຍົກລັດຖະມົນຕີ ອັງກິດ David Cameron ທີ່ທຳນຽບຂາວ. ກ່າວຄຳເຫັນທີ່ການປະຊຸມຂ່າວຮ່ວມ, ການນຳ ອາເມລິກາ - ອັງກິດ ທັງ 2 ທ່ານພ້ອມກັນແບ່ງປັນທັດສະນະລວມກ່ຽວກັບສະພາບການຢູ່ຊີຣີ, ໂຄງການນິວເຄຼຍຂອງ ອີຣານ ແລະ ບັນຫາຟື້ນຟູເສດຖະກິດທົ່ວໂລກ. ສະເພາະບັນຫາ ອາບການິດສະຖານ, ທ່ານ Obama ຖືວ່າ: ເລື່ອງນັກຮົບ ອາເມລິກາ ເຂັ່ນຂ້າສາມັນຊົນໃນທ້າຍອາທິດຜ່ານມາ ໄດ້ເຮັດໃຫ້ຄວາມເຄັ່ງຕຶງເພີ່ມຂຶ້ນ, ພ້ອມທັງຢືນຢັນວ່າ: ອາເມລິກາ ຈະມອບໂອນຄວາມຮັບຜິດໜ້າທີ່ຮັບປະກັນຄວາມສະຫງົບທັງໝົດໃຫ້ແກ່ກຳລັງ ອາບການິດສະຖານ ໃນປີ 2014. ທ່ານ Barak Obama ເວົ້າວ່າ:
“ພວກຂ້າພະເຈົ້າຈະສິ້ນສຸດໜ້າທີ່ຢູ່ ອາບການິດສະຖານ ແລະ ພວກຂ້າພະເຈົ້າຈະປະຕິບັດຢ່າງມີຄວາມຮັບຜິດຊອບ. ກຳລັງທະຫານປະສົມ NATO ຈະຮັກສາຄຳໝັ້ນສັນຍາຢ່າງຍາວນານຢູ່ທີ່ນີ້ ເຮັດໃຫ້ອາບການິດສະຖານຈະບໍ່ກາຍເປັນບ່ອນຢູ່ອາໄສທີ່ປອດໄພຂອງກຳລັງ ອານເກດາ. ຂ້າພະເຈົ້າເຊື່ອໝັ້ນວ່າ: ອາບການິດສະຖານ ສາມາດຮັບປະກັນຄວາມສະຫງົບດ້ວຍຕົນໄດ້”
ກ່ຽວກັບສະພາບການຊີຣີ, ທ່ານປະທານາທິບໍດີ Barak Obama ແລະ ທ່ານນາຍົກລັດຖະມົນຕີ ອັງກິດ David Cameron ລ້ວນແຕ່ເວົ້າວ່າ: ອາເມລິການ - ອັງກິດ ພວມຊອກວິທີ ເພື່ອໜູນຊ່ວຍປະຊາຊົນ ຊີຣີ, ເຖິງຢ່າງໃດກໍຕາມການສະໜອງອາວຸດໃຫ້ແກ່ກຳລັງຝ່າຍຄ້ານອາດຈະພາໃຫ້ເກີດເສີກກາງເມືອງ ແລະ ຈະເຮັດໃຫ້ສາມັນຊົນຫຼາຍຄົນຖືກເສຍຊີວິດ.