ການນຳ 4 ປະເທດ ອາເມລິກາ, ອັງກິດ, ຝລັ່ງ ແລະ ເຢຍລະມັນ
ພາບ:baomoi.com
|
(vovworld)-ວັນທີ 3/3, ບັນດາການນຳອາເມລິກາ, ອັງກິດ, ຝລັ່ງ, ເຢຍລະມັນ ແລະ ອີຕາລີ ໄດ້ມີການປຶກສາຫາລືກ່ຽວກັບວິກິດການຢູແກຼນ ແລະ ບັນດາບັນຫາປ້ອງກັນຄວາມສະຫງົບທົ່ວໂລກ. ເຂົ້າຮ່ວມການປຶກສາຫາລືຜ່ານລາຍການຖ່າຍທອດສົດທາງໂທລະພາບ, ບັນດາການນຳເຫັນດີເປັນເອກະສັນກັນໂດຍຖືວ່າ: ຕ້ອງມີປະຕິກິລິຍາຢ່າງແຮງ ຖ້າຫາກຂໍ້ຕົກລົງຢຸດຍິງຊື່ງບັນລຸໄດ້ເມື່ອເດືອນຜ່ານມາຢູ່ Minsk ກ່ຽວກັບວິກິດການ ຢູແກຼນ ຖືກລະເມີດ. ຫນຶ່ງໃນບັນດາປະຕິກິລິຍາຊື່ງ ອາເມລິກາ ແລະ ບັນດາປະເທດພັນທະມິດເຫັນດີ ນັ້ນແມ່ນພ້ອມແລ້ວ ທີ່ຈະຈັດວາງບັນດາມາດຕະການລົງໂທດຕື່ມອີກຕໍ່ ລັດເຊຍ. ກ້າວຄຳເຫັນທີ່ການປຶກສາຫາລື, ທ່ານປະທານາທິບໍດີ ອາເມລິກາ B Obama ໃຫ້ຮູ້ວ່າ: ອາເມລິກາ ຍັງຄົງຄິດໄລ່ຊັ່ງຊາຄວາມສາມາດສະຫນອງອາວຸດ ແລະ ອຸປະກອນສູ້ຮົບໃຫ້ແກ່ ຢູແກຼນ. ບັນດາການນຳ ອາເມລິກາ ແລະ ເອີລົບ ຢາກເພີ່ມທະວີການຜັນຂະຫຍາຍ ແລະ ເປີດກວ້າງບົດບາດຂອງກຳລັງຕິດຕາມກວດກາ ຂຶ້ນກັບອົງການປ້ອງກັນຄວາມສະຫງົບ ແລະ ການຮ່ວມມືເອີລົບ (OSCE) ເພື່ອຕິດຕາມກວດກາເລື່ອງບັນດາຝ່າຍປະຕິບັດຂໍ້ຕົກລົງຢຸດຍິງ.