( vovworld ) - ວັນທີ 28/6, ຄະນະຂົນຂວາຍປະຊາຊົນສູນກາງ ໄດ້ຈັດຕັ້ງກອງປະຊຸມໂດຍກົງຜ່ານເຄືອຂ່າຍອີນເຕີແນດກັບ 63 ແຂວງ, ນະຄອນ ເພື່ອແນໃສ່ສະຫຼຸບວຽກງານຂົນຂວາຍປະຊາຊົນໃນ 6 ເດືອນຕົ້ນປີ 2012 ແລະ ຜັນຂະຫຍາຍໜ້າທີ່ວຽກງານໃນ 6 ເດືອນທ້າຍປີ 2012. ທ່ານນາງເລຂາສູນກາງພັກ, ຫົວໜ້າຄະນະຂົນຂວາຍປະຊາຊົນສູນກາງ Ha Thi Khiet ໄດ້ເປັນປະທານກອງປະຊຸມ. ບັນດາຜູ້ແທນເຂົ້າຮ່ວມກອງປະຊຸມລ້ວນແຕ່ເປັນເອກະພາບນຳກັນໂດຍໃຫ້ຂໍ້ສັງເກດວ່າ; ຄຽງຂ້າງຄວາມສະດວກຕ່າງໆຄື ບັນດາມາດຕະການຄວບຄຸມໄພເງິນເຟີ້, ຮັບປະກັນເສດຖະກິດມະຫາພາກເປັນປົກກະຕິ, ຮັບປະກັນຊີວິດສັງຄົມ ທີ່ໄດ້ຮັບການປະຕິບັດຢ່າງມີປະສິດທິຜົນ, ປະຊາຊົນໄດ້ເອົາໃຈໃສ່, ເຫັນດີເຫັນພ້ອມກັບເລື່ອງພັກກອມມູນິດຫວຽດນາມ ຜັນຂະຫຍາຍມະຕິສູນກາງຄັ້ງທີ 4 ( ຊຸດທີ 11 ) “ບາງບັນຫາອັນຮີບດ່ວນກ່ຽວກັບການກໍ່ສ້າງພັກ” ຢ່າງຕັ້ງໜ້ານັ້ນ, ວຽກງານຂົນຂວາຍປະຊາຊົນພັດປະສົບກັບຄວາມຫຍຸ້ງຍາກ, ການທ້າທາຍຈຳນວນໜຶ່ງ ອັນໄດ້ສົ່ງຜົນສະທ້ອນເຖິງປະສິດທິຜົນແຫ່ງການຂົນຂວາຍໝູ່ມະຫາຊົນ. ຕໍ່ໜ້າສະພາບການຄືແນວນັ້ນ, ຄະນະຂົນຂວາຍປະຊາຊົນບັນດາແຂວງ, ຄະນະພັກນະຄອນ ໄດ້ຍູ້ແຮງວຽກງານຂົນຂວາຍປະຊາຊົນຂອງອຳນາດການປົກຄອງ, ຕິດຕາມກວດກາການປະຕິບັດລະບຽບການປະຊາທິປະໄຕຢູ່ຂັ້ນຮາກຖານ. ໃນ 6 ເດືອນທ້າຍປີ, ວຽກງານຂົນຂວາຍປະຊາຊົນສຸມໃສ່ໜ້າທີ່ຈຸດສຸມຈຳນວນໜຶ່ງຄື; ຕິດຕາມ, ກຳແໜ້ນສະພາບການຂອງປະຊາຊົນທຸກຊັ້ນວັນນະ ເພື່ອເປັນເສນາທິການໃຫ້ສູນກາງ, ກົມການເມືອງ, ຄະນະເລຂາທິການ, ກຳມະການພັກທຸກຂັ້ນມີແຜນນະໂຍບາຍ, ມາດຕະການໃຫ້ເໝາະສົມ, ທັນການ ເພື່ອຊີ້ນຳວຽກງານຂົນຂວາຍປະຊາຊົນ; ໂຄສະນາ, ຂົນຂວາຍປະຊາຊົນປະຕິບັດບັນດາແຜນນະໂຍບາຍ, ນະໂຍບາຍຂອງພັກ, ລັດ, ເຂົ້າຮ່ວມບັນດາຂະບວນການແຂງຂັ້ນຮັກຊາດເປັນຢ່າງດີ.