(vovworld)- ວັນທີ 23/5, ຢູ່ຮ່າໂນ້ຍ, ກະຊວງການຕ່າງປະເທດ ຫວຽດນາມໄດ້ຈັດການປະຊຸມຂ່າວເພື່ອແຈ້ງໃຫ້ຊາບລາຍລະອຽດກ່ຽວກັບການຜັນແປໃນຕົວຈິງທີ່ຫຼ້າສຸດຢູ່ທະເລຕາເວັນອອກ, ສະໜອງບັນດາພະຍານຫຼັກຖານດ້ານກົດໝາຍເພື່ອຢັ້ງຢືນອະທິປະໄຕຂອງຫວຽດນາມທີ່ມີຕໍ່ 2 ໝູ່ເກາະຮວ່າງຊາ ແລະ ເຈືອງຊາ, ພ້ອມທັງປະຕິເສດບັນດາຂໍ້ກ່າວຫາ, ຖິ້ມໂທດໃສ່ຫວຽດນາມກ່ຽວກັບສະພາບການຢູ່ທະເລຕາເວັນອອກ, ຍົກອອກຖ້ອຍທຳນອງທີ່ຜິດພາດກ່ຽວກັບອັນທີ່ເອີ້ນວ່າ ອະທິປະໄຕຂອງຈີນຢູ່ຮ່ວາງຊາ.
ການປະຊຸມຂ່າວສາກົນກ່ຽວກັບສະພາບການຢູ່ທະເລຕາເວັນອອກ
(ພາບ: bongoaigiao)
|
ເລີ່ມຕົ້ນການປະຊຸມຂ່າວ, ທ່ານເລຫາຍບີງ ໂຄສົກກະຊວງການຕ່າງປະເທດຫວຽດນາມຊີ້ແຈ້ງວ່າ : ໂດຍບໍ່ຫົວຊາຕໍ່ການສະເໜີຂອງຫວຽດນາມໃນຂັ້ນຕ່າງໆເພື່ອແກ້ໄຂສະພາບການ, ຈີນບໍ່ພຽງແຕ່ຕອບສະໜອງເທົ່ານັ້ນ, ຫາກຈີນໃນມໍ່ໆມານີ້ພັດຍົກອອກຂ່າວໆທີ່ຜິດພາດກ່ຽວກັບອະທິປະໄຕຂອງຫວຽດນາມທີ່ມີຕໍ່ໝູ່ເກາະຮວ່າງຊາ. ຫວຽດນາມໄດ້ມີພະຍານຫຼັກຖານ ແລະ ພື້ນຖານດ້ານກົດໝາຍຢ່າງພຽງພໍເພື່ອຢັ້ງຢືນອະທິປະໄຕຂອງຫວຽດນາມທີ່ມີຕໍ່ 2 ໝູ່ເກາະຮວ່າງຊາ ແລະ ເຈືອງຊາ.
ທີ່ການປະຊຸມຂ່າວ, ທ່ານເຈີນຢິວຫາຍ ຮອງຫົວໜ້າຄະນະກຳມະການຊາຍແດນແຫ່ງຊາດຫວຽດນາມໄດ້ຢັ້ງຢືນວ່າ : ບັນດາລັດໃນສະໄໝສັກດີນາຫວຽດນາມໄດ້ປະຕິບັດອະທິປະໄຕທີ່ມີຕໍ່ 2 ໝູ່ເກາະຢ່າງມີສັນຕິພາບ, ຕໍ່ເນື່ອງ ແລະ ສອດຄ່ອງກັບກົດໝາຍສາກົນ. ເລື່ອງຈີນຖືວ່າ ໝູ່ເກາະຮ່ວາງຊາແມ່ນຂຶ້ນກັບອະທິປະໄຕຂອງຈີນ ແມ່ນບໍ່ມີຂໍ້ອ້າງອີງຢ່າງສິ້ນເຊິ່ງ. ທ່ານເຈີນຢິວຫາຍ ຮອງຫົວໜ້າຄະນະກຳມະການຊາຍແດນແຫ່ງຊາດຫວຽດນາມໄດ້ຢັ້ງຢືນວ່າ :
“ອະທິປະໄຕຂອງຫວຽດນາມທີ່ມີຕໍ່ 2 ໝູ່ເກາະຮວ່າງຊາ ແລະ ເຈືອງຊາ ກໍໄດ້ຮັບການຮັບຮູ້ຢູ່ທີ່ກອງປະຊຸມ San Francisco ເມື່ອເດືອນ 9/1951 . ນີ້ແມ່ນກອງປະຊຸມແກ້ໄຂບັນຫາກຳນົດບັນດາເຂດນ້ຳດິນແດນພາຍຫຼັງສົງຄາມໂລກຄັ້ງທີ 2 ໂດຍມີການເຂົ້າຮ່ວມຂອງ 51 ປະເທດ. ທີ່ກອງປະຊຸມຄັ້ງນີ້, ຫົວໜ້າຄະນະຜູ້ແທນແຫ່ງຊາດຫວຽດນາມ, ນາຍົກລັດຖະມົນຕີລັດຖະບານ ບາວດ້າຍ ເຈີນວັນຫິ້ວ ໄດ້ຢັ້ງຢືນ ອະທິປະໄຕຂອງຫວຽດນາມທີ່ມີຕໍ່ 2 ໝູ່ເກາະຮວ່ງຊາ ແລະ ເຈືອງຊາໂດຍບໍ່ພົບພໍ້ກັບການຄັດຄ້ານໃດໆຈາກ 50 ປະເທດເຂົ້າຮ່ວມທີ່ຍັງເຫຼຶອ. ດ້ານອື່ນ, ຂໍ້ສະເໜີຄະນະຜູ້ແທນ ສະຫະພາບໂຊຫວຽດ ທີ່ມອບໂອນ 2 ໝູ່ເກາະຮວ່າງຊາ ແລະ ເຈືອງຊາໃຫ້ແກ່ຈີນນັ້ນ ໄດ້ຖືກ 46 ປະເທດໃນຈຳນວນທັງໝົດ 51 ປະເທດຄັດຄ້ານ.
ທ່ານເຈີນຢິວຫາຍ ຮອງຫົວໜ້າຄະນະກຳມະການຊາຍແດນແຫ່ງຊາດຫວຽດນາມໄດ້ຢັ້ງຢືນວ່າ ປີ 1974 ຈີນໄດ້ນຳໃຊ້ກຳລັງອາວຸດເພື່ອຢຶດຄອງໝູ່ເກາະຮວ່າງຊາ ຂອງຫວຽດນາມ. ການຢຶດຄອງເຂດນ້ຳດິນແດນຂອງປະເທດໜຶ່ງທີ່ມີອະທິປະໄຕດ້ວຍກຳລັງອາວຸດ ແມ່ນການກະທຳລວງລະເມີດກົດໝາຍ, ດັ່ງນັ້ນ ບໍ່ອາດກຳນົດອະທິປະໄຕຢ່າງຄົບຖ້ວນ ແລະ ຖືກຕ້ອງຕາມກົດໝາຍຢູ່ໝູ່ເກາະຮວ່າງຊາ
ເມື່ອເຕື້ອງເຖິງບັນຫາໃນໄລຍະມໍ່ໆມານີ້, ຈີນຖືວ່າຫວຽດນາມ ໄດ້ຍອມຮັບຢ່າງເປັນທາງການຕໍ່ອະທິປະໄຕຂອງຈີນທີ່ມີຕໍ່ໝູ່ເກາະຮວ່າງຊາ ແລະ ສະເໜີຢ່າງຜິດພາດກ່ຽວກັບຈົດໝາຍຂອງອະດີດນາຍົກລັດຖະມົນຕີຫວຽດນາມ ຟ້າມວັນດົງເມື່ອປີ 1958, ທ່ານເຈີນຢິວຫາຍ ຮອງຫົວໜ້າຄະນະກຳມະການ ຊາຍແດນແຫ່ງຊາດຫວຽດນາມໄດ້ມີຄຳປະຕິເສດວ່າ :
“ຄວນຢັ້ງຢືນວ່າ ຈົດໝາຍຂອງອະດີດນາຍົກລັດຖະມົນຕີຫວຽດນາມ ຟ້າມວັນດົງ ບໍ່ໄດ້ເຕື້ອງເຖິງບັນຫາເຂດນ້ຳດິນແດນ ແລະ ອະທິປະໄຕທີ່ມີຕໍ່ 2 ໝູ່ເກາະຮວ່າງຊາ ແລະ ເຈືອງຊາ, ຫາກພຽງແຕ່ເຫັນດີກັບເລື່ອງຈີນເປີດກ້ວາງເຂດນ່ານນ້ຳອອກສູ່ 12 ໄມທະເລ, ພ້ອມທັງອອກຄຳສັ່ງໃຫ້ບັນດາອົງການສຳນັກງານຂອງຫວຽດນາມເຄົາລົບຂອບເຂດ 12 ໄມທະເລ”
ກ່ຽວຂ້ອງເຖິງເລື່ອງໃນມໍ່ມານີ້, ຈີນຍາມໃດກໍເວົ້າວ່າ ຮ່ວາງຊາບໍ່ເກີດຄວາມຂັດແຍ້ງ, ຫາກຂຶ້ນກັບອະທິປະໄຕຂອງຈີນຢ່າງສົມບູນ, ທ່ານເຈີນຢິວຫາຍ ຮອງຫົວໜ້າຄະນະກຳມະການຊາຍແດນແຫ່ງຊາດຫວຽດນາມໄດ້ຢັ້ງຢືນວ່າ ທັດສະນະນີ້ໄປຝືນກັບທັດສະນະຂອງການນຳຂັ້ນສູງຈີນ. ວັນທີ 24/9/1975, ໃນການແລກປ່ຽນກັບທ່ານອະດີດເລຂາທີ 1 ພັກແຮງງານຫວຽດນາມ ເລຢວນ, ທ່ານ ອະດີດຮອງນາຍົກລັດຖະມົນຕີຈີນ ຕາງຊຽວຜີງ ໄດ້ຍອມຮັບວ່າ ລະຫວ່າງ 2 ປະເທດທີ່ເກີດຄວາມຂັດແຍ້ງກ່ຽວກັບ 2 ໝູ່ເກາະ ແລະ 2 ຝ່າຍອາດຈະປຶກສານຳກັນ. ຄຳເຫັນຂອງ ອະດີດຮອງນາຍົກລັດຖະມົນຕີຈີນ ຕາງຊຽວຜີງ ກໍໄດ້ບັນທຶກໄວ້ໃນເອກະສານຂອງກະຊວງການຕ່າງປະເທດຈີນ ແລະ ຍັງໄດ້ຖືກລົງພິມໃນໜັງສືພິມຢືໝິນຈືປາວເມື່ອວັນທີ 12/5/1988.
ກ່ຽວຂ້ອງເຖິງຂໍ້ກ່າວຫາຂອງຝ່າຍຈີນໂດຍຖືວ່າ : ຫວຽດນາມໄດ້ຈັດແບ່ງ 57 ແປງນ້ຳມັນອາຍແກັສ, ໃນນັ້ນມີ 7 ບໍໄດ້ເຂົ້າສູ່ການຜະລິດ ແລະ ມີ 37 ຮ້ານເຈາະນ້ຳມັນຢູ່ເຂດທະເລທີ່ມີຄວາມຂັດແຍ້ງ . ທ່ານ ໂດ້ວັນເຫົ້າ ຜູ້ອຳນວຍ ການໃຫຍ່ ກຸ່ມບໍລິສັດນ້ຳມັນອາຍແກັສແຫ່ງຊາດຫວຽດນາມ ຢືນຢັນວ່າ :
“ ທຸກໆການເຄື່ອນໄຫວກ່ຽວກັບນ້ຳມັນອາຍແກັສຂອງຫວຽດນາມ ລ້ວນແຕ່ຖືກປະຕິບັດໃນເຂດໄຫຼ່ທະວີບຂອງຫວຽດນາມ ຊຶ່ງໄດ້ຮັບການກຳນົດສອດຄ່ອງກັບບັນດາຂໍ້ກຳນົດຂອງ UNCLOS 1982. ຄວາມຈິງນີ້ໄດ້ຮັບການຮັບຮູ້ຈາກສາກົນ. ກຸ່ມບໍລິສັດ ນ້ຳມັນອາຍແກັສຫຼາຍແຫ່ງຂອງຕ່າງປະເທດໄດ້ເຊັນສັນຍາກ່ຽວກັບການສຳຫຼວດຂຸດຄົ້ນ ນ້ຳມັນອາຍແກັສກັບຫວຽດນາມຢູ່ບັນດາແປງທີ່ຂຶ້ນກັບເຂດໄຫຼ່ທະວີບຂອງຫວຽດນາມ ”
ທ່ານ ໂດ້ວັນເຫົ້າ ຜູ້ອຳນວຍ ການໃຫຍ່ ກຸ່ມບໍລິສັດນ້ຳມັນອາຍແກັສແຫ່ງຊາດຫວຽດນາມ ຢືນຢັນວ່າ ຫວຽດນາມເດັດດຽວປະຕິເສດທັດສະນະທີ່ຜິດພາດນີ້ ແລະ ຢືນຢັນຄວາມຕັດສິນໃຈປົກປັກຮັກສາບັນດາສິດ, ຜົນປະໂຫຍດອັນຊອບທຳຂອງຕົນຜ່ານມາດຕະການແກ້ໄຂໂດຍສັນຕິວິທີ, ສອດຄ່ອງກັບກົດໝາຍສາກົນ.