(vovworld) - ຕອນເຊົ້າວັນທີ 9/12, ຄະນະກຳມະການປ້ອງກັນຄວາມສະຫງົບການບິນພົນລະເຮືອນແຫ່ງຊາດ ໄດ້ຈັດຕັ້ງການຝືກຊ້ອມຮັບມືກັບເຫດອັນຕະລາຍດ່ວນ ເພື່ອປະເຊີນຫນ້າກັບການກະທຳແຊກແຊງຢ່າງຜິດກົດໝາຍເຂົ້າໃນການເຄື່ອນໄຫວພົນລະເຮືອນຢູ່ ສະຫນາມບິນ ລຽນເຄືອງ (Liên Khương) ແຂວງ Lâm Đồng. ກ່າວຄຳເຫັນທີ່ການຊ້ອມຮົບ, ທ່ານຮອງນາຍົກລັດຖະມົນຕີ ຮ່ວາງຈູງຫາຍ, ປະທານຄະນະກຳມະການປ້ອງກັນຄວາມສະຫງົບການບິນພົນລະເຮືອນແຫ່ງຊາດ ໄດ້ເນັ້ນຫນັກວ່າ:
“ການຝືກຊ້ອມໃນມື້ນີ້ ເພື່ອໃຫ້ພວກເຮົາສຳຫລວດກວດຄືນການປະສານສົມທົບລະຫວ່າງບັນດາຫົວຫນ່ວຍ, ບັນດາກຳລັງທີ່ເຂົ້າຮ່ວມວຽກງານຮັບມືກັບເຫດອັນຕະລາຍດ່ວນ. ລັດຖະບານ ກໍໄດ້ປະກາດໃຊ້ຂໍ້ຕົກລົງເລກທີ 44 ກ່ຽວກັບບັນດາວິທີການຮັບມືກັບເຫດອັນຕະລາຍດ່ວນ, ແຕ່ພວກເຮົາບໍ່ມີການຝືກຊ້ອມ ພວກເຮົາບໍ່ສາມາດສະກັດກັ້ນຄວາມເສຍຫາຍກ່ຽວກັບຊັບສິນ ແລະ ຊີວິດອີນຊີຢ່າງສຸດຂີດໄດ້. ສະນັ້ນ ການຝືກຊ້ອມຄັ້ງນີ້ມີຄວາມໝາຍສຳຄັນທີ່ສຸດ.”