ການພັດທະນາໝູ່ບ້ານອາຊີບຫວຽດນາມໃນສະໄໝເຊື່ອມໂຍງ
ທ່ານຫງວຽນທ້ຽນເຍີນ ກ່າວຄຳເຫັນທີ່ການໂອ້ລົມສົນທະນາ
(ພາບ: daidoanket.vn)
(vovworld) – “ໝູ່ບ້ານອາຊີບຫວຽດນາມ: ມູນເຊື້ອ, ສະພາບຕົວຈິງ ແລະ ການພັດທະນາໃນສະໄໝເຊື່ອມໂຍງ”. ນັ້ນແມ່ນຫົວການໂອ້ລົມສົນທະນາເຊິ່ງດຳເນີນໃນຕອນເຊົ້າວັນທີ 20/4 ຢູ່ ຮ່າໂນ້ຍ. ກ່າວຄຳເຫັນນະທີ່ນີ້, ທ່ານຫງວຽນທ້ຽນເຍີນ, ປະທານຄະນະກຳມະການສູນກາງແນວໂຮມປະເທດຊາດຫວຽດນາມ, ໃຫ້ຂໍ້ສັງເກດວ່າ: ຮັກສາໝູ່ບ້ານອາຊີບແມ່ນໜ້າທີ່ຮັກສາວັດທະນະທຳຊົນຊາດຂອງທົ່ວປະເທດ. ທີ່ການໂອ້ລົມສົນທະນາ, ບັນດາຜູ້ແທນຖືວ່າ: ຄວນຍູ້ແຮງການໝູນໃຊ້ວິທະຍາສາດ, ເຕັກໂນໂລຊີ ພິເສດແມ່ນເລື່ອງຍົກສູງກຳລັງແກ່ງແຍ້ງຂອງຜະລິດຕະພັນໝູ່ບ້ານອາຊີບ. ທ່ານລຶວຢຸຍເຢີ່ນ, ປະທານສະຫະສະມາຄົມໝູ່ບ້ານອາຊີບຫວຽດນາມ, ປະກອບຄຳເຫັນວ່າ:
“ເພື່ອຮັກສາ ແລະ ເສີມຂະຫຍາຍບັນດາຄຸນຄ່າວັດທະນະທຳໝູ່ບ້ານອາຊີບ,ຄວນພິຈາລະນາເປີດກ້ວາງບົດບາດໜ້າທີ່ວັດທະນະທຳທ່ອງທ່ຽວຂອງບັນດາເຜົ່າຫວຽດນາມ. ບັນດາເຂດງານວາງສະແດງ, ຫໍພິພິດຕະພັນ, ຫໍວັດທະນະທຳ ຄວນໜູນຊ່ວຍຄ່າໃຊ້ຈ່າຍສ່ວນໃດສ່ວນໜຶ່ງ ເພື່ອວາງສະແດງຜະລິດຕະພັນ, ກໍ່ສ້າງບັນດາຫໍພິພິດຕະພັນໝູ່ບ້ານອາຊີບ ແລະ ບູລະນະປະຕິສັງຂອນສະຖານທີ່ບູຊາບັນດາຜູ້ກໍ່ຕັ້ງອາຊີບ”.
ປະຈຸບັນ ຫວຽດນາມ ມີໝູ່ບ້ານອາຊີບກ່ວາ 5.000 ແຫ່ງ. ໃນນັ້ນມີໝູ່ບ້ານອາຊີບຫຼາຍແຫ່ງໄດ້ໂລກຮູ້ຈັກເຖິງຄື: ແພໄໝ ວ້ານຟຸກ, ຮູບແຕ້ມ ດົງໂຮ່, ເຄື່ອງປັ້ນດິນເຜົ່າ ບາດຈ່າງ, ຈູເດົ້າ, ໄມ້ ເຊີນດົ່ງ.