ຊາວໜຸ່ມຫວຽດນາມໄຕ້ທູບທຽນບູຊາຢູ່ກຳແພງເກົ່າກວາງຈິ
(ພາບ : tienphong )
|
Vovworld- ເພື່ອເປັນການສະເຫຼີມສະຫຼອງວັນຊາດຫວຽດນາມ 2/9 ແລະ 40 ປີແຫ່ງເຫດການ 81 ວັນ ແລະ ຄືນປົກປັກຮັກສາກຳແພງເກົ່າ ກວາງຈິ, ຕອນຄ່ຳວັນທີ 1/9 ຢູ່ ກຳແພງເກົ່າ ກວາງຈິ, ໄດ້ດຳເນີນລາຍການພົບປະແລກປ່ຽນສະແດງສິລະປະ ເພື່ອຫວນຄືນຊຸມວັນເດືອນປີທຳການສູ້ຮົບ ທີ່ພິລະ ອາດຫານຂອງລຸ່ນຊາວໜຸ່ມ ນັກສຶກສາທີ່ໄດ້ອອກຈາກໂຮງຮຽນ ໄປສະໜາມຮົບ ເພຶ່ອປົກປັກຮັກສາປະເທດຊາດ. ທີ່ການພົບປະແລກປ່ຽນລະຫວ່າງຊາວໜຸ່ມ ນັກສຶກສາກັບບັນດາຕົວພະຍານປະຫວັດສາດທີ່ໄດ້ຮ່ວມຮົບເພື່ອ ປົກປັກຮັກສາກຳແພງເກົ່າ ກວາງຈິ, ໄດ້ວາດພາບເຖິງບັນຍາກາດທີ່ສະຫງ່າອົງອາດ, ເຈດຈຳນົງຕັດສິນໃຈຢ່າງແຂງກ້າຂອງຊາດຫວຽດນາມ. ທ່ານ Le Hoang anh ຮອງປະທານສະມາຄົມນັກສຶກສາຫວຽດນາມໃຫ້ຮູ້ວ່າ :
“ ພວກອ້າຍໄດ້ເສຍສະຫຼະຊີວິດເພື່ອເອກະລາດ, ອິດສະຫຼະພາບຂອງປະເທດຊາດ, ເພື່ອລຸ່ນຄົນໃນປະຈຸບັນມີຊີວິດໃນສັນຕິພາບ, ໄດ້ຄົ້ນຄ້ວາຮຳ່ຮຽນ. ລາຍການສະແດງສິລະປະນີ້ ກໍເປັນການສະແດງຄວາມຮູ້ບຸນຄຸນ ຂອງນັກສຶກສາລຸ່ນປະຈຸບັນທີ່ມີຕໍ່ບັນດານັກຮົບວິລະຊົນທີ່ໄດ້ ເສຍສະຫຼະ ຊີວິດເພື່ອເອກະລາດ, ອິດສະຫຼະພາບຂອງປະເທດຊາດ, ນີ້ຍັງແມ່ນຄຳໝາຍໝັ້ນຕັດສິນໃຈຝຶກຝັນຫຼໍ່ຫຼອມຮຳ່ຮຽນ, ປະຈັນບານ, ອາສາສະໝັກ, ປະຕິບັດຕາມຄວາມໄຝ່ຝັນທີ່ແຮງກ້າຂອງພວກອ້າຍ ແລະ ຄວາມມຸ່ງຫວັງຂອງປະທານໂຮ່ຈິມິນທີ່ແສນເຄົາລົບຮັກ ”