(vovworld) - ວັນທີ 7/12 ຢູ່ ນະຄອນ ໂຮ່ຈິມິນ ໄດ້ດຳເນີນການພົບປະສົນທະນາຍຸດທະສາດການທູດ, ການປ້ອງກັນຊາດ ປ້ອງກັນຄວາມສະຫງົບ ຫວຽດນາມ - ລັດເຊຍ ປະຈຳປີຄັ້ງທີ 5. ຄະນະຜູ້ແທນ ຫວຽດນາມ ໂດຍທ່ານ ໂຮ່ຊວນເຊີນ ຮອງລັດຖະມົນຕີຜູ້ປະຈຳການກະຊວງການຕ່າງປະເທດ ຫວຽດນາມ ນຳຫນ້າ. ຄະນະຜູ້ແທນ ລັດເຊຍ ໂດຍທ່ານ A.I. Denisov ຮອງລັດຖະມົນຕີການຕ່າງປະເທດ ລັດເຊຍ ນຳຫນ້າ. ນະທີ່ນີ້ ສອງຝ່າຍໄດ້ແຈ້ງໃຫ້ກັນຊັບສະພາບການຢູ່ແຕ່ລະປະເທດ ແລະ ແລກປ່ຽນບັນດາມາດຕະການຊຸກຍູ້ການພົວພັນສອງຝ່າຍ. ນອກນັ້ນ ສອງຝ່າຍກໍໄດ້ແລກປ່ຽນຄຳເຫັນຢ່າງເລິກເຊິ່ງ ແລະ ກວ້າງຂວາງກ່ຽວກັບບັນຫາສາກົນ ແລະ ພາກພື້ນທີ່ຕ່າງຝ່າຍຕ່າງມີຄວາມສົນໃຈ ແລະ ການຮ່ວມມືປະສານສົມທົບກັນໃນການເຄື່ອນໄຫວລະຫວ່າງສອງປະເທດທີ່ ສະຫະປະຊາຊາດ ແລະ ບັນດາເວທີປາໄສສາກົນອ່ືນ ພິເສດໃນບັນດາກົນໄກຮ່ວມສຳພັນຂອງພາກພື້ນ.