ການພົບປະສ້າງສັນກັບ ພະນັກງານຂັ້ນສູງ ບຳນານເຂດພາກໃຕ້
(ພາບ: vov.vn)
(vovworld)- ວັນທີ 15/10, ຢູ່ນະຄອນໂຮ່ຈິມິນ, ກົມການເມືອງໄດ້ຈັດການພົບປະສ້າງສັນກັບພະນັກງານຂັ້ນສູງຂອງພັດ ແລະ ລັດ ຊື່ງໄດ້ອອກກິນເບັ້ຍບຳນານເຂດພາກໃຕ້ເພື່ອຮັບຟັງການລາຍງານສະພາບການໃນບັນດາຂົງເຂດເສດຖະກິດ, ສັງຄົມ, ການປ້ອງກັນຊາດປ້ອງກັນຄວາມສະຫງົບ, ການຕ່າງປະເທດ; ວຽກງານຊີ້ນຳນຳພາຂອງພັກ ແລະ ລັດໃນໄລຍະຜ່ານມາ. ກ່າວຄຳເຫັນນະທີ່ນີ້, ທ່ານເລຂາທິການໃຫ່ຍຫງວຽນຟູຈ້ອງ ຊີ້ແຈງວ່າ: ໜ້າທີ່ໃນປີ 2014-2015 ຂອງຫວຽດນາມ ແມ່ນສືບຕໍ່ຮັບປະກັນການພັດທະນາແບບຍືນຍົງ, ສືບຕໍ່ຮັກສາເສດຖະກິດມະຫາພາກເປັນປົກກະຕິ, ຄວບຄຸມໄພເງິນເຟີ້, ຟື້ນຟູລະດັບການເຕີບໂຕ, ຍົກສູງຄຸນນະພາບ, ປະສິດທິຜົນການແກ່ງແຍ້ງບົນພື້ນຖານຍູ້ແຮງການປະຕິບັດ 3 ບຸກທະລຸຍຸດທະສາດຕິດພັນກັບການປ່ຽນໃໝ່ຮູບການເຕີບໂຕ, ສ້າງໂຄງປະກອບພື້ນຖານເສດຖະກິດຄືນໃໝ່. ຮັບປະກັນຊີວິດສັງຄົມ ແລະ ສະຫວັດດີການສັງຄົມ, ປົວແປງຊີວິດຂອງ ປຊຊ. ຮັກສາສະພາບການເມືອງ ແລະ ສັນຕິພາບເປັນປົກກະຕິ ເພື່ອພັດທະນາປະເທດຊາດ, ຮັກສາເອກະລາດ, ອະທິປະໄຕ, ເອກະພາບ, ຜືນແຜ່ນດິນອັນຄົບຖ້ວນ, ເພື່ອຜົນປະໂຫຍດຂອງຊາດ, ປົກປັກຮັກສາພັກ, ລັດ, ປຊຊ ແລະ ລະບອບສັງຄົມນິຍົມ. ທ່ານເລຂາທິການໃຫ່ຍຫງວຽນຟູຈ້ອງ ປາດຖະໜາວ່າ, ບັນດາອະດີດການນຳຈະສືບຕໍ່ປະກອບບົດຮຽນ, ປະສົບການ, ພູມປັນຍາພ້ອມກັບພັກ, ລັດ ຊີ້ນຳນຳພາພັດທະນາເສດຖະກິດສັງຄົມຂອງປະເທດຊາດ, ກໍ່ສ້າງພັກ, ນັບມື້ນັບໝັ້ນຄົງເຂັ້ມແຂງ.