ຕອນເຊົ້າວັນທີ 4/1/2012, ທ່ານປະທານປະເທດ ເຈືອງເຕີນຊາງ ໄດ້ເຂົ້າຮ່ວມການພົບປະສ້າງສັນບັນດານັກຮຽນອະນຸຊົນການທະຫານຫວຽດນາມລຸ້ນ ຕ່າງໆ ເນື່ອງໃນໂອກາດປີ ໃຫມ່ 2012. ຈາກແນວຄວາມຄິດຂອງທ່ານປະທານ ໂຮ່ຈິມີນ, ປີ 1949 ໂຮງຮຽນອະນຸຊົນການທະຫານ ຫວຽດນາມ ໄດ້ຮັບການສ້າງຕັ້ງຂຶ້ນ ຢູ່ ຫວຽດບັກ. ຜ່ານການເຄື່ອນໄຫວ, ອະນຸຊົນການທະຫານລຸ້ນຕ່າງໆ ໄດ້ມີການປະກອບສ່ວນອັນໃຫຍ່ຫລວງໃຫ້ແກ່ພາລະກິດສ້າງສາ ແລະ ປົກປັກຮັກສາປະເທດຊາດ. ກ່າວຄຳເຫັນນະພິທີພົບປະ, ທ່ານປະທານປະເທດ ເຈືອງເຕີນຊາງປາດຖະຫນາວ່າ ອະນຸຊົນການທະຫານລຸ້ນຕ່າງໆ ຈະສືບຕໍ່ເສີມຂະຫຍາຍມູນເຊື້ອຂອງອະນຸຊົນການທະຫານຫວຽດນາມ ສືບຕໍ່ປະກອບສ່ວນໃຫ້ແກ່ປະເທດຊາດ. ທ່ານປະທານປະເທດ ສະເຫນີໃຫ້ກະຊວງປ້ອງກັນປະເທດ, ກະຊວງສຶກສາບຳລຸງສ້າງ ແລະ ຄະນະຊາວຫນຸ່ມຄອມມູນິດ ໂຮ່ຈິມີນ ແລະ ບັນດາອົງການຈັດຕັ້ງຄວນສົມທົບກັນຄົ້ນຄ້ວາ, ສະຫລຸບເພື່ອທະວີຄູນຮູບແບບບຳລຸງສ້າງນີ້ໃຫ້ສອດຄ່ອງກັບຄວາມຮຽກຮ້ອງຕ້ອງການຂອງການພັດທະນາຂອງປະເທດຊາດໃນໄລຍະໃຫມ່.
ແລະກໍ່ໃນວັນດຽວກັນ, ທ່ານປະທານປະເທດ ເຈືອງເຕີນຊາງ ໄດ້ໃຫ້ກາຕ້ອນຮັບຄະນະຜູ້ແທນຜູ້ມີຍົດຖາບັນດາສັກການນຳບັນດາສະມາຄົມສາສະໜາ ກາວດາຍ ເນື່ອງໃນໂອກາດບຸນປີໃໝ່ ຄ.ສ 2012. ບາດຫຼວງ ເຈີນດຶດດັງ ພ້ອມກັບບັນດາຜູ້ມີຍົດຖາບັນດາສັກໃນບັນດາສະມາຄົມສາສະໜາ ກາວດາຍ ກໍ່ສະແດງຄວາມຂອບອົກຂອບໃຈຕໍ່ພັກ, ລັດ ທີ່ໄດ້ສ້າງເງື່ອນໄຂອຳນວຍຄວາມສະດວກໃຫ້ແກ່ສາສະນິກກະຊົນ ກາວດາຍ ເຄື່ອນໄຫວສາສະໜາເພື່ອຊາດ. ດ້ວຍຈິດໃຈຮັບໃຊ້ສາສະໜາ, ຮັກຊາດ, ຜູກພັນກັບຊາດ, ເຄົາລົບກົດໝາຍ, ບັນດາສາສະນິກກະຊົນ ກາວດາຍ ໄດ້ເຂົ້າຮ່ວມການເຄື່ອນໄຫວດ້ານສັງຄົມຢ່າງຕັ້ງໜ້າ, ໄດ້ປະກອບເງິນ 15 ຕື້ດົງເພື່ອທຳການກຸສົນໃຫ້ແກ່ສັງຄົມໃນແຕ່ລະປີ ແລະ ອື່ນໆ. ທ່ານປະທານປະເທດ ເຈືອງເຕີນຊາງ ປາດຖະໜາວ່າໃນໄລຍະທີ່ຈະມາເຖິງບັນດາຜູ້ມີຍົດຖາບັນດາສັກ, ການນຳ ບັນດາສະມາຄົມສາສະໜາ ກາວດາຍ ຈະເປີດກວ້າງການພົວພັນແລກປ່ຽນ, ຂົນຂວາຍສາສະນິກກະຊົນສ້າງຄວາມສາມັກຄີໃນສາສະໜາ, ເຂົ້າຮ່ວມການເຄື່ອນໄຫວຕ່າງໆຂອງສັງຄົມຢ່າງຕັ້ງໜ້າ.