ທ່ານລັດຖະມົນຕີການຕ່າງປະເທດຫວຽດນາມຟ້າມບິງມິງ
(ພາບ:m.dnrtv.org.vn)
(vovworld)- ວັນທີ 1/3, ທ່ານຟ້າມບິງມິງ, ລັດຖະມົນຕີການຕ່າງປະເທດຫວຽດນາມ ໄດ້ມີການພົບປະເຈລະຈາກັບທ່ານ Ovan Mrkic ລັດຖະມົນຕີການຕ່າງປະເທດສາທາລະນະລັດ Serbia ເພື່ອແລກປ່ຽນກ່ຽວກັບການພົວພັນສອງຝ່າຍກໍ່ຄືບາງບັນຫາສາກົນ ແລະ ພາກພື້ນຊື່ງສອງປະເທດຕ່າງມີຄວາມສົນໃຈ. ທີ່ການພົບປະເຈລະຈາ, ສອງຝ່າຍເຫັນດີເປັນເອກະສັນນຳກັນ ຈະສິ້ນສຸດການເຈລະຈາໂດຍໄວ, ກ້າວໄປເຖິງການເຊັນສັນຍາຮ່ວມມືດ້ານເສດຖະກິດ, ສັນຍາກ່ຽວກັບການສົ່ງເສີມ ແລະ ອາລັກຂາການລົງທຶນ; ພ້ອມກັນນັ້ນກໍ່ໄດ້ແລກປ່ຽນບັນດາມາດຕະການເພື່ອແນໃສ່ເພີ່ມທະວີການແລກປ່ຽນດ້ານວັດທະນະທຳ, ການພົບປະແລກປ່ຽນລະຫວ່າງປະຊາຊົນ, ພັດທະນາການທ່ອງທ່ຽວລະຫວ່າງສອງປະເທດ. ລັດຖະມົນຕີສອງທ່ານໃຫ້ຮູ້ວ່າ ພ້ອມແລ້ວທີ່ຈະເຈລະຈາ, ເຊັນຂໍ້ຕົກລົງກ່ຽວກັບການຮ່ວມມືດ້ານການສຶກສາ ແລະ ເປີດກ້ວາງການແລກປ່ຽນນັກສຶກສາພວມຮ່ຳຮຽນ, ຄົ້ນຄ້ວາກ່ຽວກັບບັນດາຂົງເຂດທີ່ສອງຝ່າຍມີຄວາມຕ້ອງການ. ຫວຽດນາມ ແລະ Serbia ຢັ້ງຢືນຈະສືບຕໍ່ເພີ່ມທະວີການພົບປະລະຫວ່າງການນຳສອງປະເທດໃນບັນດາເວທີປາໄສສາກົນ.