(vovworld) - ເພື່ອມຸ່ງໄປເຖິງວັນ “ເພື່ອຜູ້ປະສົບເຄາະຮ້າຍຈາກທາດພິດສີສົ້ມດີໂອຊີນຫວຽດນາມ” (ຄືວັນທີ 10/08). ຕອນເຊົ້າວັນທີ 30/07, ຢູ່ຮ່າໂນ້ຍ, ໜັງສື່ພິມເອເລກໂຕນິກພັກກອມມູນິດຫວຽດນາມ ສົມທົບກັບສະມາຄົມຜູ້ປະສົບເຄາະຮ້າຍຈາກທາດພິດສີສົ້ມດີໂອຊີນຫວຽດນາມ ຈັດຕັ້ງການພົບປະແລກປ່ຽນໂດຍກົງຜ່ານເຄືອຕ່າຍອີນເຕີແນດດ້ວຍຫົວຂໍ້ວ່າ “ຍຸຕິທຳເພື່ອຜູ້ປະສົບເຄາະຮ້າຍຈາກທາດພິດສີສົ້ມດີໂອຊີນ”. ທ່ານນາງສາດສະດາຈານ, ດຣ ຫງວຽນທິຫງອກເຟື້ອງ, ຮອງປະທານສະມາຄົມຜູ້ປະສົບເຄາະຮ້າຍຈາກທາດພິດສີສົ້ມດີໂອຊີນຫວຽດນາມ ໃຫ້ຮູ້ວ່າ ຍັງມີຄວາມຫຍຸ້ງຍາກຫຼາຍຢ່າງ, ແຕ່ການຮ້ອງຟ້ອງເພື່ອທວງດເອົາຄວາມຍຸຕິທຳໃຫ້ແກ່ບັນດາຜູ້ປະສົບເຄາະຮ້າຍຈາກທາດພິດສີສົ້ມດີໂອຊີນ ຫວຽດນາມ ສຳລັບບັນດາບໍລິສັດທາດເຄມີຂອງອາເມິລກາ ເຊິ່ງໄດ້ຜະລິດທາດພິດສີສົ້ມດີໂອຊີນ ເພື່ອກອງທັບອາເມລິກາ ນຳໃຊ້ໃນສົງຄາມຢູ່ຫວຽດນາມ, ໄດ້ຮັບການສະໜັບສະໜູນຢ່າງສຸດຈິດສຸດໃຈຈາກປະຊາຊົນໃນໂລກ. ທ່ານນາງກ່າວວ່າ.
“ບັນດາທະນາຍຄວາມຂອງອາເມລິກາ ທີ່ໄດ້ຕາງໜ້າໃຫ້ຜູ້ປະສົບເຄາະຮ້າຍຈາກທາດພິດສີສົ້ມດີໂອຊີນ ຫວຽດນາມ ໄດ້ມາຫວຽດນາມ ຫຼາຍຄັ້ງ, ສະນັ້ນພວກເຂົາເຈົ້າໄດ້ເຂົ້າໃຈບັນຫາ, ເຂົາເຈົ້າມີຄວາມສະເທື່ອນໃຈ ແລະ ສະໜັບສະໜູນຢ່າງແຮງ, ເພາະສະນັ້ນ ເຂົາເຈົ້າຈຶ່ງຊອກຫາຂໍ້ມູນເອກະສານທີ່ລ້ຳຄ່າ. ບັນດາຂໍ້ມູນເອກະສານດັ່ງກ່າວແມ່ນຫຼັກຖານຢ່າງລະອຽດ, ກະຈ່າງແຈ້ງກ່ຽວກັບບັນດາບໍລິສັດທາດເຄມີຂອງອາເມລິກາ ແມ່ນຜູ້ມີໂທດກຳ ໃນການຜະລິດທາດເຄມີຂ້າຫຍ້າທີ່ມີດີໂອຊີນ ເພື່ອໃຫ້ກອງທັບອາເມລິກາ ນຳໃຊ້ຢູ່ຫວຽດນາມ.”