ການພົບປະແລກປ່ຽນວັດທະນະທຳ, ສິລະປະ ຫວຽດນາມ - ສ.ເກົາຫຼີ ສ້າງກອງທຶນເພື່ອຄວາມເຈັບປວດຍ້ອນທາດພິດສີສົ້ມ
(ພາບປະກອບ)
(vovworld) - ຕອນຄໍ່າວັນທີ 17/12, ຢູ່ສະໜາມຫຼວງນະຄອນວິ້ງລອງ, ສະມາຄົມຜູ້ປະສົບເຄາະຮ້າຍຈາກທາດພິດສີສົ້ມດີໂອຊີນ ແຂວງວິ້ງລອງ ໄດ້ສົມທົບກັບພະແນກວັດທະນະທຳ, ກິລາ ແລະ ທ່ອງທ່ຽວ, ສະຫະພັນບັນດາອົງການມິດຕະພາບແຂວງ, ຈັດຕັ້ງລາຍການພົບປະແລກປ່ຽນວັດທະນະທຳຫວຽດນາມ - ສ.ເກົາຫຼີ ເພື່ອຂົນຂວາຍສ້າງກອງທຶນ “ເພື່ອຄວາມເຈັບປວດຍ້ອນທາດພິດສີສົ້ມ” ແຂວງວິ້ງລອງ. ທີ່ງານພົບປະແລກປ່ຽນ, ບັນດາອົງການ, ບຸກຄົນຢູ່ພາຍໃນ ແລະ ນອກແຂວງເຂົ້າຮ່ວມ ແລະ ໄດ້ປະກອບເງິນກວ່າ 450 ລ້ານດົງ. ດ້ວຍຈຳນວນເງິນດັ່ງກ່າວ ສະມາຄົມຜູ້ປະສົບເຄາະຮ້າຍຈາກທາດພິດສີສົ້ມດີໂອຊີນ ແຂວງວິ້ງລອງ ຈະກໍ່ສ້າງເຮືອນ, ປິ່ນປົວພະຍາດ ແລະ ສ້າງສູນລ້ຽງດູເຄິ່ງກິນນອນໃຫ້ຜູ້ປະສົບເຄາະຮ້າຍຈາກທາດພິດສີສົ້ມດີໂອຊີນ ໃນບໍລິເວັນແຂວງວິ້ງລອງ