ຍ້ອນບັນຫາຮົ່ງກົງ ບາງປະເທດສະມາຊິກ ອີຢູ ຖະແຫຼງຍົກເລີກສົນທິສັນຍາສົ່ງຜູ້ຮ້າຍຂ້າມແດນກັບ ຮົ່ງກົງ (ພາບ: CNN)

ໃນວັນທີ 04 ກໍລະກົດ, ໂຄສົກກະຊວງການຕ່າງປະເທດ  ຈີນ ແລະ ຄະນະປະຕິບັດງານປະເທດນີ້ທີ່ປະຈໍາ ອີຢູ ກໍໄດ້ ໄດ້ສະແດງທັດສະນະຕໍ່ໜ້າບັນດາການກະທໍາໃໝ່ຂອງ ອີຢູ ແລະ ຝລັ່ງ   ທີ່ກ່ຽວຂ້ອງເຖິງບັນຫາ ຮົ່ງກົງ ຢ່າງຕໍ່ເນື່ອງ. ຕໍ່ໜ້າຖະແຫຼງການທີ່ມີຄວາມວິຕົກກັງວົນກ່ຽວກັບເລື່ອງ ຮົ່ງກົງ ເລື່ອນວັນເວລາຈັດຕັ້ງການເລືອກຕັ້ງສະພານິຕິບັນຍັດຂອງ ອີຢູ, ໂຄສົກຂອງຄະນະປະຕິບັດງານ ຈີນ ປະຈໍາ ອີຢູ ຢັ້ງຢືນວ່າ ນີ້ແມ່ນວຽກງານພາຍໃນຂອງຮົ່ງກົງ. ບໍ່ວ່າລັດຖະບານ, ອົງການ ແລະ ບຸກຄົນຕ່າງປະເທດໃດ ກໍ່ລ້ວນແຕ່ບໍ່ມີສິດ ແລະ ເຫດຜົນເພື່ອແຊກແຊງເຂົ້າ. ສໍາລັບຖະແຫຼງການຂອງກະຊວງການຕ່າງປະເທດ ຝລັ່ງ ກ່ຽວກັບເລື່ອງໂຈະການໃຫ້ສັດຕະຍາບັນສົນທິສັນຍາສົ່ງຜູ້ຮ້າຍຂ້າມແດນ ທີ່ໄດ້ລົງນາມເມື່ອປີ 2017 ກັບ ຮົ່ງກົງນັ້ນ, ໂຄສົກກະຊວງການຕ່າງປະເທດ ຈີນ ໄດ້ສະແດງຄວາມເດັດດ່ຽວຄັດຄ້ານ, ແຕ່ຍ້ອນສົນທິສັນຍາສະບັບດັ່ງກ່າວຍັງບໍ່ທັນໄດ້ຮັບການຮັບຮອງເອົາ ສະນັ້ນ ຈຶ່ງບໍ່ມີຄໍາກ່າວເຕືອນ ຫຼື ການກະທໍາຕອບໂຕ້ໃດຈາກຝ່າຍ ປັກກິ່ງ.

        ບິກທ້ວນ, ນັກຂ່າວ VOV ປະຈໍາ ຈີນ.