ການພົວພັນລັດເຊຍ-ອາເມລິກາປ່ຽນແປງຍ້ອນຈຸດປະສົງຈັດວາງຄວາມເຫັນຢ່າງອັດຕະວິໄສຂອງຝ່າຍດຽວ
ທ່ານ ປະທານາທິບໍດີລັດເຊຍ ວາລາດີເມຍ ປູຕິນ
(ພາບ: TTXVN)
(vovworld)- ກ່າວຄວາມເຫັນ ທີ່ການປະຊຸມຂ່າວ ກ່ຽວກັບຜົນຂອງກອງປະຊຸມສຸດຍອດ ຄັ້ງທີ 8 ກຸ່ມບັນດາພື້ນຖານເສດຖະກິດໃໝ່ ທີ່ຫາກໍ່ພົ້ນເດັ່ນຂື້ນແຖວໜ້າ (BRICS), ຕອນບ່າຍ ວັນທີ 16/10, ຢູ່ລັດ Goa (ອິນເດຍ) ທ່ານ ປະທານາທິບໍດີລັດເຊຍ ວາລາດີເມຍ ປູຕິນ ຢຶນຢັນວ່າ: “ການພົວພັນລັດເຊຍ-ອາເມລິກາ ມີການປ່ຽນແປງຍ້ອນບັນດາອຸບາຍ ຈັດວາງຄວາມເຫັນຢ່າງອັດຕະວິໄສ ຂອງຝ່າຍດຽວ ໃຫ້ທົ່ວໂລກ”. ທ່ານ ປະທານາທິບໍດີ ປູຕິນ ໄດ້ປະຕິເສດຕົວຢ່າງທີ່ວ່າ ບັນຫາ ຊີຣີ ໄດ້ເຮັດໃຫ້ການປ່ຽນແປງສະພາບຕົວຈິງ ການພົວພັນລະຫວ່າງ ລັດເຊຍ ກັບອາເມລິກາ ຖືກປ່ຽນແປງ. ທ່ານ ຢືນຢັນວ່າ: ຄວາມມານະພະຍາຍາມ ຂອງອາເມລິກາ ເອງທີ່ຢາກຈັດວາງຄວາມເຫັນອັດຕະວິໄສ ຂອງຕົນໃຫ້ທົ່ວໂລກ, ໄດ້ເຮັດໃຫ້ການພົວພັນ ລັດເຊຍ-ອາເມລິກາ ປ່ຽນແປງ. ຜູ້ນຳລັດເຊຍ ເນັ້ນໜັກວ່າ: ການພົວພັນ ລັດເຊຍ-ອາເມລິກາ ເລີ່ມຊົ່ວຮ້າຍລົງ ນັບຕັ້ງແຕ່ອາເມລິກາ ແລະ ອົງການ (NATO) ເປີດບັ້ນຮົບບຸກໂຈມຕີທາງອາກາດ ຢູ່ຢູໂກສະລາວີ (ເດືອນ 3 ປີ 1999). ນີ້ແມ່ນການບຸກໂຈມຕີທາງອາກາດຄັ້ງທຳອິດ ຂອງ NATO ໃສ່ປະເທດເອີລົບທີ່ມີອະທິປະໄຕ. ເຖິງຢ່າງໃດກໍ່ຕາມ, ຜູ້ນຳລັດເຊຍ ຫວັງວ່າ: ການພົວພັນຂອງ Moscow ກັບ Washington ອາດຈະໄດ້ຮັບການປັບປຸງ ພາຍຫຼັງການເລືອກຕັ້ງປະທານາທິບໍດີອາເມລິກາ ໃນວັນທີ 8/11 ຈະມາເຖິງ.