(vovworld) - ວາລະ​ປະຊຸມ​ຄົບ​ຄະນະ​ຂອງ​ກອງ​ປະຊຸມ​ຄັ້ງ​ທີ 13 ຄະນະ​ກຳມາທິການ​ປະສົມ​ຫວຽດນາມ - ກຳປູ​ເຈຍ ກ່ຽວ​ກັບ​ການ​ຮ່ວມ​ມື​ດ້ານ​ການ​ຄ້າ, ວັດທະນະທຳ, ວິທະຍາສາດ - ​ເຕັກນິກ ​ເຊິ່ງດຳ​ເນີນ​ໄປ​ໃນ​ຕອນ​ເຊົ້າ​ວັນ​ທີ 11/02, ພາຍ​ໃຕ້​ການ​ເປັນ​ປະທານ​ຮ່ວມ​ຂອງ​ທ່ານ​ຮອງ​ນາຍົກລັດຖະມົນຕີ, ລັດຖະມົນຕີ​ການ​ຕ່າງປະ​ເທດ​ຫວຽດນາມ ຟ້າ​ມບິ່ງ​ມິ​ງ ​ແລະ ທ່ານ​ຮອງ​ນາຍົກລັດຖະມົນຕີ, ລັດຖະມົນຕີ​ການ​ຕ່າງປະ​ເທດ ​ແລະ ຮ່ວມ​ມື​ສາກົນ​ກຳປູ​ເຈຍ Hor Nam Hong.

        ​ເມື່ອ​ແລກປ່ຽນ​ທີ່​ກອງ​ປະຊຸມ, 2 ຝ່າຍ​ເຫັນ​ດີ​ຍູ້​ແຮງ​ການ​ຮ່ວມ​ມື​ດ້ານ​ການສຶກສາ, ​ເອົາ​ໃຈ​ໃສ່​ເຖິງ​ການ​ຍົກ​ສູງ​ຄຸນ​ນະພາ​ບການ​ບຳລຸງ​ສ້າງ, ຊຸກຍູ້​ການ​ຮ່ວມ​ມືດ​້ານ​ເສດຖະກິດ, ການ​ຄ້າ ​ແລະ ການ​ລົງທຶນ; ສູ້​ຊົນ​ນຳ​ວົງ​ເງິນ​ການ​ຄ້າ 2 ສົ້ນ​ລະຫວ່າງ 2 ປະ​ເທດ​ຂຶ້ນ​ເຖິງ 5 ຕື້ USD ​ໃນ​ປີ 2015. 2 ຝ່າຍ​ກໍ່​ເຫັນ​ດີ​ ຕັດສິນ​ໃຈສຳ​ເລັດ​ວຽກ​ງານ​ປັກ​ຫຼັກ​ໝາຍ​ຊາຍ​ແດນ​ທາງ​ບົກ​ໂດຍ​ໄວ ​ເພື່ອ​ສ້າງ​ເສັ້ນ​ຊາຍ​ແດນ​ແຫ່ງ​ສັນຕິພາບ, ໝັ້ນຄົງ, ຮ່ວມ​ມື​ພ້ອມ​ກັນ​ພັດທະນາ... 2 ຝ່າຍ​ກໍ່​ຢືນຢັນ​ຄືນ​ຂໍ້​ກຳນົດ​ບໍ່​ອະນຸຍາດ​ໃຫ້​ບໍ່​ວ່າ​ກຳລັງ​ທີ່​ເປັນ​ປໍ​ລະ​ປັກ​ໃດ ນຳ​ໃຊ້​ຜືນ​ແຜ່ນດິນ​ຂອງ​ປະ​ເທດ​ໜຶ່ງ ​ເພື່ອ​ດຳ​ເນີນ​ບັນ​ດາ​ການ​ຕ້ານ​ທຳລາຍ​ປະ​ເທດ​ 1 ​ໃນ 2 ປະ​ເທດ. ສິ້ນ​ສຸດ​ກອງ​ປະຊຸມ, ຮອງ​ນາຍົກລັດຖະມົນຕີ 2 ທ່ານ ​ໄດ້​ລົງ​ນາມ​ໃນ​ຂໍ້​ຕົກລົງ​ຂອງ​ກອງ​ປະຊຸມ, ​ເຊິ່ງຕາມ​ນັ້ນ​ແລ້ວ, ກອງ​ປະຊຸມ​ຄັ້ງ​ທີ 14  ຄະນະ​ກຳມາທິການ​ປະສົມ​ຫວຽດນາມ - ກຳປູ​ເຈຍ ຈະ​ໄດ້​ຈັດ​ຂຶ້ນ​ຢູ່​ຫວຽດນາມ ​ໃນ​ປີ 2015.

        ​ແລະ​ຕອນ​ບ່າຍວັນ​ດຽວ​ກັນ, ທ່ານ​ຮອງ​ນາຍົກລັດຖະມົນຕີ, ລັດຖະມົນຕີ​ການ​ຕ່າງປະ​ເທດ ຟ້າ​ມບິ່ງ​ມິ​ງ ​ໄດ້​ເຂົ້າ​ຢ້ຽມ​ຂໍ່ານັບ​​ທ່ານ​ນາຍົກລັດຖະມົນຕີກຳປູ​ເຈຍ Hun Sen. ທີ່​ການ​ພົບ​ປະ, ທ່ານ​ນາຍົກລັດຖະມົນຕີ Hun Sen ຢືນຢັນ ຈະ​ສືບ​ຕໍ່​ຊີ້​ນຳ​ກະຊວງ, ຂະ​ແໜງ​ການ, ທ້ອງ​ຖິ່ນ​ຕ່າງໆ ສົມທົບ​ກັບ​ຫວຽດນາມ ຜັນ​ຂະຫຍາຍ​ບັນດາ​ຂໍ້​ຕົກລົງ​ທີ່​ລັບ​ລຸ​ໄດ້​ເປັນ​ຢ່າງ​ດີ ​ແລະ ຍົກ​ສູງ​ປະສິດທິ​ຜົນ​ການ​ຮ່ວມ​ມື​ລະຫວ່າງ 2  ປະ​ເທດ​ໃນ​ໄລຍະ​ຈະ​ມາ​ເຖິງ.