ການພົວພັນລະຫວ່າງ ອາເມລິກາ-ປາກິດສຖານ ກັບຄືນສູ່ສະພາບເຄັ່ງຕຶງ ຄືນໃໝ່
(ພາບປະກອບ)
(vovworld) - ການພົວພັນລະຫວ່າງອາເມລິກາ - ປາກິດສຖານ ກັບຄືນສູ່ສະພາບເຄັ່ງຕຶງຄືນໃໝ່ຍ້ອນເຫດເຮືອບິນບໍ່ມີຄົນຂັບຂອງອາເມລິກາ ສັງຫານຜູ້ນຳ ຕາລີບານ ຄົນໜຶ່ງ ໃນບໍລິເວນຂອງປາກິດສຖານ ເມື່ອວັນທີ 01 ພະຈິກ 2013. ໃນລະຫວ່າງວັນທີ 02 - 03 ພິຈິກ, ລັດຖະບານປາກິດສຖານ ໄດ້ຍົກອອກບັນດາຖະແຫຼງຂ່າວລຽນຕິດທີ່ແຂງແຮງທີ່ຢືນຢັນ ອິດສລາມາບາດ ບໍ່ພຽງແຕ່ຈະພິຈາລະນາຄືນການພົວພັນກັບອາເມລິກາ ໂດຍທັນທີເທົ່ານັ້ນ, ຫາກຍັງຈະອັດປະຕູດ່ານຊາຍແດນອີກຄັ້ງໜຶ່ງ ບໍ່ອະນຸຍາດໃຫ້ທະຫານອາເມລິກາ ແລະ NATO ຂົນສົ່ງພະລາທິການໃຫ້ອາບການິດສຖານ ອີກດ້ວຍ. ລັດຖະບານ ປາກິດສຖານ ຖືເຫດເຮືອບິນບໍ່ມີຄົນຂັບຂອງອາເມລິກາ ຍິງຜູ້ນຳ ຕາລີບານ ຢູ່ປາກິດສຖານ ບໍ່ພຽງແຕ່ແມ່ນການລະເມີດອະທິປະໄຕອັນຄົບຖ້ວນຂອງປະເທດນີ້ເທົ່ານັ້ນ, ຫາກຍັງມີໄພເຮັດໃຫ້ຄວາມມານະພະຍາຍາມຂອງການເຈລະຈາສັນຕິພາບລະຫວ່າງລັດຖະບານປາກິດສຖານ ກັບກຳລັງຕາລີບານ ໃນບໍລິເວນກ້າວເດີນບໍ່ຖືກທິດອີກດ້ວຍ. ກະຊວງການຕ່າງປະເທດປາກິດສຖານ ໄດ້ຮຽກຕົວທ່ານເອກອັກຄະລັດຖະທູດອາເມລິກາ ປະຈຳປະເທດນີ້ ເພື່ອສະແດງຄວາມຄັດຄ້ານຕໍ່ເຫດການດັ່ງກ່າວ.